Cultura

A banda compostelá ofrecerá un concerto este sábado ao mediodía en Compostela, xunto con Samesugas. É a súa primeira actuación en dous anos. Falamos co seu vocalista, Martiño, que aclara que isto non supón o retorno do grupo e di que "estamos pensando en recuperar as camisetas de raias a ver se collemos nelas”.

O evento busca financiamento a través do crowdfunding. O 30 e 31 de agosto Salvaterra acollerá unha nova edición do festival, coa participación de Elvira Riveiro, Chus Pato, Celso F. Sanmartín, Dores Tembras, Alfonso Pexegueiro, Séchu Sende ou Mário Regueira.

Xa se pode ver un teaser de máis de nove minutos do documental sobre a obra e a vida do poeta homenaxeado nas Letras do vindeiro ano, no que vén traballando Xosé Antón Cascudo desde o 2011, en estreita colaboración coa Asociación Cultural Xermolos.

Este martes preséntase na igrexa de San Domingos de Bonaval, en Compostela, O Crânio de Castelao, coa presenza de Antón Lopo, Quico Cadaval, Suso de Toro, Xavier Queipo e Carlos Quiroga. Na obra participan tamén autores de Portugal, Brasil, Cabo Verde e Timor.

As vilas non queren esquecer o seu pasado. O Concello de San Sadurniño, o de Rois ou o de Mesía son tres exemplos de municipios que realizaron unha campaña de recuperación fotográfica da historia das súas vilas e veciñanza.

O xornalista Iago Martínez inaugurou no 2012 Disimulen, un programa na Cuac FM onde as ideas e a música poden fundirse nunha mestura cando menos rechamante. Este sábado 20 celebra na sala Mardi Gras da Coruña a festa de peche da primeira tempada do programa, cos concertos de Volonté e Das Kapital.

Celébrase a sexta edición de DesOrdes Creativas, o Festival Internacional de Arte na Rúa na vila de Ordes. Mr. Thoms, Escif, Zosen ou o galego Isaac Cordal son algúns dos 13 participantes que realizarán intervencións artísticas por todo o casco urbano. Durante toda a semana tamén se realizará un ciclo de curtametraxes e pezas documentais, así como un concerto na clausura do festival. 

Se a anterior novela de Xabier Paz, Renacer, tiña moito que ver coa memoria, a nova, As vidas de Nito, afonda na mesma cuestión. As experiencias e as razóns dun vello que, neste caso, fracasou na súa vida afectiva mentres se entregaba a unha causa política.

Este espazo dixital recompila información sobre ilustradores, fotógrafos, artistas, deseñadores, artesáns..., para "dar visibilidade a un sector emerxente pouco coñecido" e "crear unha relación directa entre cliente-creador".