Cultura

A revista satírica Mongolia nace co obxectivo de facer rir e chorar a partes iguais. Praza fala cun dos seus codirectores, Fernando Rapa

Morgana irmá, amiga, amante. Muller libre que escolle o afecto como patria. Ser loitador que non está disposto a renderse, nin a renunciar a saber. Así é a protagonista de Morgana en Esmelle, a nova novela de Begoña Caamaño. A escritora e xornalista realiza con esta obra a súa achega á revisión galega da materia de Bretaña. Pero, alén do ronsel de Cunqueiro, opta pola relectura dos mitos en clave feminista como o fixeron Xohana Torres ou María Xosé Queizán. Para propoñer unha reflexión sobre a sociedade que queremos, sobre o poder que devén tiranía se non ten límites, se non se asumen as consecuencias dos actos de cada quen. 

Aproveitando a popularidade do dúo Alaska & Mario e a revolta Enemiga, o evento musical de Vilagarcía conseguiu reunir, en momentos puntuais e de forma masiva, un público diferente ao festivaleiro, publico que supón un apoio imprescindible para poder manter no tempo esta cita co indie.

O Galo foi o primeiro, pero houbo moitos máis. Nas últimas décadas do franquismo desenvolveuse un moi activo asociacionismo cultural en Galicia, que o Consello da Cultura e a Fundación 10 de Marzo analizan na exposición Un canto e unha luz na noite. O Museo do Pobo Galego acolle esta mostra, comisariada por Ricardo Gurriarán, ata o vindeiro 13 de maio. O nacionalismo, reconstruído na clandestinidade atopou nas asociacións culturais galeguistas o osíxeno que necesitaba.

Titularase Mar Maior-Editorial Galaxia e concíbese como a "editorial dos galegos no mundo", unha plataforma de difusión da cultura galega que, segundo as programacións iniciais, empezará a andar en Bos Aires no ano 2013. Así o anunciou o director de Galaxia, Víctor F. Freixanes, na mesa de debate Tendencias dentro da Feira Profesional do Libro, una das ponenciais inaugurais, á que por primeira vez foi invitado oficialmente un editor galego. Unha información de Cadernos de Comunicación e Análise.

A reivindicación do audiovisual como sector estratéxico, a esixencia de que a Agadic convoque as axudas ao talento e a unidade profesional ante a crise foron os lemas constantes nunha gala dos Mestre Mateo que, na súa décima edición, quedou sen un claro triunfador ao repartir os premios de forma case democrática. Doentes e Engurras, con cinco galardóns; Matalobos, con catro, e Tralas luces e Emilia Pardo Bazán. A Condesa Rebelde, con tres, foron as producións máis galardoadas.

Este sábado remata a XVII edición da Mostra Internacional de Teatro Universitario de Ourense que durante 16 días trouxo á cidade das Burgas artistas e compañías de teatro e danza tanto universitarios como profesionais procedentes de 11 países. Dúas funcións e un concerto porán o broche despois da correspondente entrega de premios no Teatro Principal.

Dolores Ben recibirá este sábado, na gala dos Mestre Mateo, o Premio de Honra Fernando Rey. Con este galardón, recoñécese a traxectoria profesional de Ben, quen é presidenta da Asociación Galega de Produtoras Independentes (AGAPI) e da Asociación de Empresas de Dobraxe de Galicia (AITEGA).

A obra de Chévere, realizada en tempo real durante os últimos días, coa participación de alumnos do I.E.S. A Cachada de Boiro, e con todas as ferramentas das redes sociais (youtube, twitter, tuenti, actuable...) ao seu alcance, finaliza cun rotundo éxito. A obra 2.0 pode ser o agromo de experiencias semellantes, de novos formatos e mesmo de residencias artísticas virtuais en redenasa.tv

Gardo sentimentos opostos, incluso contraditorios, respecto a Martha Marcy May Marlene. Cando disgrego e examino os diversos elementos que compoñen o filme de Sean Durkin, estimo que cada unha das pezas foron consideradas, elaboradas e executadas dun xeito afortunado e suxestivo. Tamén a ensamblaxe e articulación das partes orixinan un conxunto harmónico e atrainte. Porén, o resultado antóllaseme insatisfactorio e non logra contentarme. Sinto que a partitura e os instrumentistas son axeitados, mais a súa melodía soa un tanto discordante.