A tenda compostelá de Xosé Barreiro celebrará en maio o seu aniversario cun concerto de The Sweet Vandals en Capitol e cunha incursión no eido da edición, xa que coeditará -xunto a Demo- Castelao: O pobre tolo, libro de Inacio Vilariño e Iván Suárez que forma parte dunha serie de banda deseñada sobre o autor de Sempre en Galiza
Este xoves 15 de marzo ás 22.30 h o dúo brasilego de Fred Martins e Ugia Pedreira interpretarán temas do seu álbum Acrobata na terceira data do certame SantiAutor2012. Este festival dedicado á música de autor chega este ano a sua terceira edición, sendo as dúas anteriores un éxito de asistencia e crítica. O concerto terá lugar no Pub Sónar de Santiago de Compostela.
Un particular interpuxo un recurso de casación no Alto Tribunal contra o decreto 61/2009 da Xunta de Galicia, que declaraba a vivenda de Alfonso Daniel Rodríguez Castelao como Ben de Interese Cultural (BIC). A sentenza é firme e as costas son para o recorrente
Xosé Vázquez Pintor ten varias feridas abertas. Unha delas, as críticas á xeración dos que María Victoria Moreno chamou os Novísimos. Outra, a desolación do mundo rural, e a deserción dos galegos da súa propia lingua e cultura. E sobre elas alicerzou, en boa medida, a súa obra poética. Tirando para adiante. Coa liberdade na boca. Espiral Maior reuniu nun só volume os seus oito poemarios, xunto a dous máis, ata entón inéditos. Corenta anos de creación. Que repasamos con el.
Valentim R. Fagim preside desde 2009 a Associaçom Galega de Língua e trabalha em mostrar aos galegos e as galegas que a língua da Galiza é a mesma que fala Lula da Silva, José Mourinho ou Dilma Rousseff. Esta será a década do Brasil e Fagim pensa que a Galiza nom pode desaproveitar a oportunidade que lhe oferece a sua pertença ao mesmo espaço linguístico que o gigante brasileiro. Audios no interior.
Tras o peche da sala Nasa en Compostela, Galicia segue a estar, polo momento, nos circuítos estatais da expresión teatral contemporánea. E é grazas, principalmente, a Vigo. O Ensalle é, neste momento, a única iniciativa que se mantén en pé, nese concepto de sala con programación estable de creación alternativa. Tamén hai que falar de Teatro Arte Livre, ou A Artística, sen ser con exactitude o mesmo tipo de proxecto.
O Garaxe Hermético. Así se chamará. O ilustrador Kiko da Silva collerá prestado o título do afamado cómic de ciencia ficción, creado por Moebius, falecido este sábado, para bautizar a que será a primeira escola profesional de banda deseñada e ilustración de Galicia. Situada en Pontevedra, a escola abrirá as súas portas a finais deste mes ou a comezos de abril.
