A Fundación Francisco Franco acusa o autor da obra de "atentar contra o dereito ao honor" do ditador. A vista terá lugar este venres e nela os demandantes presentan unha carta do ex alcalde de Madrid Álvarez del Manzano que lles dá a razón e que engade que a instalación estivo a piques de ser censurada en ARCO.
A Illa de Arousa acolle un curso de formación sobre o patrimonio lúdico, organizado pola Asociación Galega do Xogo Popular e Tradicional e Nova Escola Galega.
O medio de tendencias Disquecool celebra o seu primeiro aniversario cunha festa do máis cool no Liceo Mutante de Pontevedra. Entre as actividades previstas destaca unha xuntanza de ukeleles para tocar O tren de Andrés Dobarro, unha guerrilla de Urban Knitting que embelecerá o entorno urbano próximo ou unhas olimpíadas con probas como o escondite inglés, salto á comba e lanzamento de gafas de pasta.
Freakemacine, festival de cinema de fantástico e de ciencia ficción da Coruña, celébrase entre o 24 e o 30 de setembro centrado nos filmes de terror españois dos anos setenta. Ademais haberá unha zombie walk e un desfile temático sobre Star Wars
Uxía Senlle presenta este xoves na Coruña 'Andando a Terra', un traballo no que canta ao poeta da Terra Chá. Será nas 'Lúas de Outono', a homenaxe anual ao literato na que tamén se presentará o documental 'Danza do poema emocionado'. A viúva do autor censura que o Concello da Coruña non lles cedese o teatro Rosalía de Castro e agradece que a Deputación si lles permitise usar o Colón.
A Universidade de Cardiff acolle de mércores a venres o X Congreso da Asociación Internacional de Estudos Galegos (AIEG), que incluirá a celebración dun Obradoiro de Estudos Rosalianos no que participarán investigadores e expertos na obra da poeta.
A cafetaría-libraría que a editorial Rinoceronte abriu en Cangas celebra o seu primeiro mes de funcionamento cunha grande aceptación entre os clientes ante esta iniciativa moi común no centro e norte de Europa pero novidosa en Galicia.
A plataforma celebrará unha asemblea en Teo este sábado, que tamén escollerá os membros da súa cerna. Poderán participar todos e todas as asinantes do manifesto.
Mentres o Titanic zarpa a unha viaxe sen retorno, en Galicia os movementos das clases populistas son reflectidas no agrarismo e as mobilizacións campesiñas. Conflitos e reivindicacións nunha etapa de loita antiforal e anticaciquil para intentar modificar a orde económica. Neste continuísta panorama de identidade no mundo rural, iníciase unha desestruturación social co fenómeno migratorio e xorde unha nova expresividade cultural de imaxes mudas en fluxo.
O tributo -que se celebrará en Santiago coa participación de, entre outros, Chévere, O Leo ou Carlos Blanco- significará o inicio das grandes celebracións ao redor do dramaturgo, cuxa obra completa será publicada a partir de xaneiro por Positivas. Roi Vidal, fillo do escritor, está a traballar nunha biografía do autor das Letras Galegas, que sairá na mesma editorial.
