Case cen persoas discapacitadas seguen a traballar -incluso sen calefacción ou sen cartos para as menciñas- e acumulan tres nóminas sen cobrar á espera dos despedimentos nunha ONG que cobrou millóns de euros da Xunta no último ano. Este xoves concéntranse ante a sede do grupo, que xa foi ocupada por varios empregados.
A CIG denuncia que o Instituto Nacional de Estadística está a externalizar por primeira vez a recollida de datos e estudo de mostras da Enquisa de Poboación Activa. Traballadores dubidan das "intencións" de encargar a empresas alleas uns datos "tan sensibles e de gran prestixio".
En 2014 constituíronse en Galicia menos sociedades mercantís que en 2013: 4.246 fronte a 4.285, un leve descenso que contrasta co ascenso experimentado no conxunto de España e que para Autónomos de Galicia (AUGA) implica que "non é de todo certa a suposta mellora económica"
Case seis de cada dez familias galegas manifestan problemas para facer fronte aos gastos mensuais, máis que cando o Goberno admitía estar a transitar polo peor da crise económica
As estacións de servizo máis económicas do país, en Outeiro de Rei e Lalín, resultan notablemente máis caras que as que ofrecen o combustible máis asequible do territorio estatal. Dende xuño o prezo da gasolina caeu un 8% en Galicia e o do gasóleo, un 5%, menos que no conxunto do Estado.
Os depósitos bancarios da poboación galega xa superan en 16.000 millóns de euros aos créditos que as entidades teñen concedidos no país. En apenas cinco anos as entidades financeiras pecharon unha cuarte parte das súas sucursais galegas e desfixéronse do 30% do seu persoal.
O presidente da Xunta presentou en 2010 o seu Plan Estratéxico da Economía e fixou o "exame" da súa aplicación para o ano que vén de rematar. O Goberno galego traballa xa nunha revisión do plan mentres as cifras oficiais acreditan o incumprimento dos seus principais obxectivos.
Menos da metade dos parados con prestación cobra a contributiva e o 56,47% recibe un subsidio por desemprego ou a renda activa de inserción. A taxa de cobertura descendeu en catro puntos no último ano.
É o cuarto incremento consecutivo do desemprego no país, a comunidade autónoma onde máis se incrementa o número de parados, que descende no conxunto do Estado.
A entidade bancaria decide que o castelán sexa o seu idioma vehicular en Galicia e o predominante na publicidade, a cartelería ou a información. Varias persoas amosaron xa a súa disconformidade a través das redes sociais.