Seguen os malos datos para a economía galega. O Índice Xeral de Produción Industrial descende un 11,7% en marzo, máis dun punto por riba da media estatal, e acumula xa unha taxa negativa de 9,9 puntos en 2012. A produción de bens de equipo baixa máis do 22%.
Guillerme Vázquez culpa a Xunta e Goberno de "mirar para outro lado" mentres os ex directivos das caixas levan cantidades millonarias en concepto de indemnización
O voceiro do BNG na Cámara Baixa defenderá unha iniciativa para modificar a actual normativa de reestruturación do sistema bancario e conseguir así unha entidade para que "Galicia conte con financiamento para a súa economía produtiva"
A conselleira de Benestar entrega no Parlamento o plan co que aposta por sacar a Galicia do "inverno demográfico" e no que collen as campañas antiabortistas avaladas pola Lei de Familia
O presidente do Santander dá por feito que haberá poxa pola entidade galega e advirte que estudará "con todo detalle" a operación sobre o banco, que considera "unha moi boa franquía"
A Unión Leiteira Galega (Ulega) nace con máis de 2.200 produtores para xuntar forzas na negociación coa industria. A organización supón "un fito" ao ser a primeira de ámbito estatal e europeo en constituírse e confía en "rachar coa dinámica de prezos" dos últimos tempos.
O número de parados subiu no país en 849 persoas, fronte ao descenso de 6.632 no conxunto do Estado, onde o incremento interanual é do 11,1%, máis de dous puntos menos que na comunidade autónoma (13,5%).
Nin falar de suprimir deputacións. Máis ben todo o contrario. A Federación Española de Municipios e Provincias (FEMP) propón que estes organismos aumenten as súas competencias para asumir algunhas daqueles concellos que carezan de medios para prestar servizos e que conten con menos de 20.000 habitantes. 293 dos 315 municipios do país veríanse afectados por esta medida.
En 2009, cando a palabra crise comezaba a ser demasiado habitual en todas as conversas, aínda alleas á magnitude que chegaría a cobrar o termo, máis vixente se cabe tres anos despois, David Romeo, que entón apenas sumaba 27 anos, embarcou nunha aventura única. Aínda non chegou a porto, nin sequera ve, como el di, a luz ao final do túnel, pero, polo de agora, pagou a pena tentalo.
Xavier Simón dirixiu a investigación sobre o impacto económico da enerxía eólica en Galicia da Universidade de Vigo. No seu último estudo descobre que os propietarios dos montes onde se asentan os parques perciben tan só o 1,4% da facturación total das empresas. Para o economista, "nin Xunta, nin sindicatos, nin ecoloxistas, nin Universidade estiveron á altura" á hora de informar aos propietarios e colocalos nunha posición de maior fortaleza fronte ás compañías.
