Os populares gañaron nas sete urbes, pero a análise dos resultados en cada sección censual revelan grandes diferenzas entre unhas e outras zonas, entre as rúas máis céntricas e os barrios residenciais, onde máis medraron os nacionalistas. Explórao nestes mapas interactivos
As limitacións do executivo en funcións ata cando menos finais de agosto contrastan coa promesa de Feijóo de gobernar desde o día seguinte aos comicios se obtiña maioría absoluta e coa actividade propagandística da campaña
O secretario xeral do PSdeG, cuxo cargo ten que renovarse o próximo ano, anuncia unha rolda de visita ás agrupacións socialistas para abordar “en primeira persoa os retos de futuro coa militancia”
Das 2.157 seccións censuais existentes en Galicia, o PP foi a candidatura máis votada en 1.913, o BNG impúxose en 84, o PSdeG en 158 e houbo dous empates. En 133, principalmente nas cidades, a abstención superou o 50%.
Estes catro mapas amosan os lugares onde as principais candidaturas gañaron ou perderon apoios. Destacan os descensos do PP nas dúas comarcas que viviron conflitos recentes críticos coa xestión da Xunta, os ascensos do BNG nas zonas urbanas e tamén as enormes diferenzas entre os resultados do PSdeG no norte e no sur do país.
O escaso voto emigrante determinará, así e todo, se o PSdeG conserva o escano de Pontevedra que lle gañou ao PP na noite electoral por 45 votos ou se, como todo parece indicar, pasa a ser o cuadraxésimo segundo asento dos populares no novo Parlamento
A abstención na maior parte do litoral superou o 40%, chegando ao 50% en Narón, Arteixo ou Ribeira. Tamén a Mariña, zonas próximas a Verín ou ás Pontes viron descender notablemente a participación. Todas as cidades agás Santiago baixaron do 60% de votantes.
Colectivos como Eventuais en Loita seguen "adiante" na loita contra a precariedade mentres plataformas locais contra os recortes desisten tras a vitoria dos populares nas súas zonas: "A veciñanza votou polos recortes; non podemos ir contracorrente".
O ex-alcalde de Santiago deixa a súa acta de concelleiro e recoñece que o espazo rupturista, do que foi un dos principais referentes, "cometeu moitos erros", e que "as "liortas internas pasaron factura".
Se Galicia fose unha circunscrición única, os populares tamén manterían a absoluta o 12X, pero pola mínima cun limiar do 3% para obter representación. Co límite do 3% no canto do 5% vixente, os populares quedarían en 40 escanos e Galicia en Común entraría nun Parlamento no que o BNG seguiría liderando a oposición cos mesmos 19 escanos que obtivo