O bloque que inclúe a En Común, En Marea e o BNG cae 40.000 votos e máis de catro puntos respecto ás últimas xerais pero a división lastra moito os seus resultados ante un PSdeG que gaña máis de 175.000 sufraxios.
O PP domina en dous terzos do país, pero é superado nas zonas urbanas e comarcas máis poboadas, onde fica por debaixo do 20% en moitas localidades. Os socialistas gañan nas cidades e en comarcas como O Baixo Miño, a Mariña lucense ou a Costa da Morte
Unha vez máis os resultados electorais nesta vila foron case idénticos ás cifras globais do conxunto de Galicia, con apenas unhas décimas de diferenza nos números de cada forza política. Betanzos confírmase como unha magic town
As mulleres son maioría nas delegacións galegas de PSdeG e PP, En Común enviará ao Congreso un home e unha muller e Ciudadanos, dúas mulleres. No Senado, pola contra, a representación galega é maioritariamente masculina.
Facendo unha simulación e trasladando os datos a unhas hipotéticas eleccións autonómicas, o PSdeG, En Común e BNG obterían 40 escanos e o PP perdería o Goberno da Xunta. Elixindo os 23 escanos galegos nas xerais cunha circunscrición única En Común, Ciudadanos, BNG e VOX gañarían un representante.
O PSdeG-PSOE asentou a súa vitoria electoral en Galicia nas cidades e nas zonas urbanas. Os socialistas foron a forza máis votada en Vigo, A Coruña, Ourense, Lugo, Compostela, Pontevedra e Ferrol, cunha ampla vitoria fronte ao Partido Popular, que cae máis de dez puntos nas sete urbes
Os socialistas obteñen 122 dos 208 senadores que se elixían nas xerais, pero nestes comicios tamén se renovan os seis valencianos tras as súas autonómicas e os tres designados pola cámara galega
A eventual alianza da dereita queda moi lonxe da maioría por mor do forte devalo do PP malia ao ascenso de Ciudadanos e a irrupción da extrema dereita de Vox. Os escanos socialistas agregados aos 42 de Unidas Podemos e aos do PNV aproximaríanse á maioría se logran o apoio de pequenas formacións e superaríana amplamente coas forzas soberanistas catalás. Outra eventual alianza sería con Ciudadanos
Os populares caen máis de trece puntos e vense superados polo PSdeG, que suma dez escanos fronte aos 9 dos de Feijóo. En Común e Ciudadanos obteñen cadanseus dous escanos e o BNG dobra resultados pero non consegue representación, ao igual que Vox.
Radio CampUSCulturae e Praza.gal colaboran no seguimento desta noite electoral e, deste xeito, a programación especial da emisora pode ser seguida ao vivo nesta mesma páxina do xornal
A anacrónica obriga de rematar a campaña electoral "en todo caso, ás cero horas do día inmediatamente anterior á votación" consagra o rango legal da popularmente coñecida como xornada de reflexión, na que as forzas políticas adoitan presentar a líderes e candidatos realizando actividades diversas. Unhas semellan espontáneas e outras, non tanto. Estas foron algunhas das realizadas en Galicia antes do 28A