Os eurodeputados galegos electos nos comicios do 9 de xuño, Nicolás González Casares (PSdeG), Ana Miranda (BNG) e Francisco Millán Mon (PPdeG) recolleron esta mañá no Congreso dos Deputados de Madrid as súas respectivas actas para a nova lexislatura.
Von der Leyen renovará á fronte da Comisión Europea outros cinco anos tras un acordo de Olaf Scholz, Pedro Sánchez, Donald Tusk, Kyriakos Mitsotakis, Emmanuel Macron e Mark Rutte
VOX e SALF obtiveron conxuntamente o 6,35%, fronte ao 2,6% acadado por VOX en 2019, máis de 70.000 sufraxios fronte aos 37.892 de hai cinco anos. Nunha vintena de concellos superaron o 8%. Con todo, tan só en Euskadi (4,4%) acadaron un resultado máis baixo.
O comportamento electoral do PP na Ulloa foi moi semellante ao que tivo no resto de Galicia, cun ascenso importante en todos os concellos da comarca. Porén, o PSdeG caeu máis que no resto do país, cun descenso de 14 puntos en Palas de Rei, máis de 11 en Monterroso e case 11 en Agolada, mentres que o BNG creceu por riba da media, especialmente en Santiso (+19), Melide, Monterroso e Palas (+9)
En 248 concellos houbo maioría conservadora e só en 65 gañaron as forzas progresistas. En cambio, en 2019 a esquerda impuxérase en 197 concellos e a dereita só en 116. O PP foi a forza máis votada en 300 concellos e non baixou do 30% en ningún
Nas europeas de hai dez anos a irrupción de Podemos e o ascenso das forzas que participaban en AGE fora clave nun contexto de devalo do bipartidismo e de crise do BNG. O Bloque obtén o seu mellor resultado nunhas europeas dende 1999 e o maior apoio cidadáns nestes comicios ao celebrarse sen cadrar na mesma data ca outros, como as municipais. Santiago é a cidade onde as forzas á esquerda do PSdeG obteñen máis apoio nun contexto marcado polo relevante ascenso do Bloque, que exerce a alcaldía dende hai un ano
O novo Europarlamento que funcionará ata o ano 2029 ten maioría conservadora e liberal no económico, con máis peso da extrema dereita. Os partidos da dereita (PPE e Renovar Europa) suman 272 escanos e perden seis a respecto dos resultados de hai cinco anos, os da extrema dereita (CRE e ID) gañan doce representantes e chegan aos 130, e na esquerda (S&D, Verdes/ALE e The Left) deixan atrás 25 escanos a respecto de 2019 para ficar con 223. Aínda así, a extrema dereita non medra tanto como prognosticaban algúns análises previos ás eleccións e a esquerda non afunde por completo.
A dirección estatal do PP, que en boa medida é a antiga cúpula do PPdeG, non logra reproducir en España a hexemonía que tivo en Galicia malia facerlle a parcelaria a C's mentre ascenden os ultras. Tras os paus de 2014 e 2019, os populares galegos volven celebrar sen reservas nunhas europeas nas que o PSdeG cre que emprendeu a "senda da reactivación". O BNG, o que máis medra na súa coalición, dá por cumprido o obxectivo do "escano galego"
O PSdeG perde a súa inusual primeira posición de 2019 tras retroceder oito puntos; o Bloque avanza máis de catro e celebra a consecución do escano para Ana Miranda. Consulta aquí os resultados do 9X concello a concello