Municipais 28M

A operación, 'bendicida' pola cúpula popular ao máis alto nivel, marcou o obxectivo de lograr a maioría absoluta que ata agora ostentara o pai do candidato, que dixo considerarse "de dereitas" tras a fichaxe do fillo polo PP. Malia ao crecemento os conservadores, o Bloque triplicou representación e Chus López converteuse na primeira alcaldesa da historia da vila: "Samos deu un paso á fronte para abrir un tempo novo", di

O PP goberna en case 150 concellos, pero estes suman só o 25% dos habitantes do país. O PSdeG lidera un cento de gobernos municipais, nos que vive o 47% dos galegos e galegas, e o BNG uns 36, oito máis que hai catro anos.

Hai menos de tres meses o presidente aseguraba que "este pacto non se vai producir", e dúas semanas máis tarde o partido aprobaba cos socialistas unha moción co seu "compromiso" en "rexeitar un futuro pacto de goberno con Jácome". Se hai catro anos o acordo con Jácome asinouno Baltar para garantirse a Deputación, desta volta é directamente a dirección do PPdeG a que asume o pacto, que implica un novo descabezamento do PP local

Goretti Sanmartín afirma que esta é a estrutura dun goberno "cohesionado e forte e "preparado" para "transformar". Rozas, "satisfeita" co reparto de área, di que o gabinete se dispón a "afrontar con rapidez e valentía" os retos da cidade

A alcaldesa Inés Rey presenta un novo executivo municipal co que di querer afrontar "a segunda gran modernización" da urbe. 

Nas localidades de máis de 30.000 habitantes tomaron posesión este sábado sete alcaldes e alcaldesas do PSdeG, tres do BNG, dous do PP e o resto doutras formacións

O popular asegura que o seu principal obxectivo para este mandato é "garantir un goberno estable" na sétima cidade de Galicia, o concello máis poboado que goberna o PP

"A Coruña decidiu que o goberno da primeira muller que acadou a alcaldía en democracia non fose fugaz", di a rexedora tras a toma de posesión

"O meu partido chámase Vigo", reitera o rexedor tras a súa nova toma de posesión, que conclúe co seu xa habitual "viva Vigo"

O rexedor pontevedrés é reelixido cos votos do Bloque e dos socialistas para un mandato que o pode levar aos 28 anos á fronte da alcaldía. Todo apunta a que Lores seguirá gobernando en coalición co PSdeG, agora liderado por Iván Puentes, que xuntou os seus cinco votos cos nove do Bloque. O acordo, non obstante, aínda non está pechado e o alcalde sinala que toma o apoio obtido como "unha obriga de facelo mellor, unha asignación de deberes para mellorar as cousas en Pontevedra"

Tras negociar tanto con populares como con socialistas, o líder de Democracia Ourensana facilitará aos primeiros a presidencia provincial, xa sen Baltar, e continuará na alcaldía da cidade