Fálase

Marta Ortega será presidenta de Inditex dende o 1 de abril de 2022 en substitución de Pablo Isla. Segundo vén de comunicar á CNMV, o consello de administración da multinacional "aceptou a renuncia" de Isla na súa xuntanza deste luns, 29 de novembro, "no contexto da súa desvinculación de mutuo acordo de Inditex". A empresa destaca de Marta Ortega, filla do fundador do grupo, Amancio Ortega, que "desenvolveu a súa actividade" na compañía dende hai 15 anos. A operación inclúe tamén a remuda do conselleiro delegado, posto que pasa a exercer Óscar García Maceiras, avogado do Estado e executivo que antes de incorporarse a Inditex exerceu en bancos como o Pastor, o Popular, o Santander ou a Sareb (o banco malo). [Imaxes: © Inditex]

• AMPLIAMOS 👉 Marta Ortega será presidenta de Inditex dende o 1 de abril tras a marcha "de mutuo acordo" de Pablo Isla
• HEMEROTECA | Inditex acelera coa pandemia os peches de tendas e a viraxe ao negocio en internet entre temores do persoal

A galega Marta Pazos (Marta Boiro) fai historia na Copa inglesa de fútbol ao clasificarse para a terceira rolda co Clapton, primeiro equipo da sétima categoría en chegar a esa rolda da FA Cup. A xogadora galega marcou un dos penaltis decisivos dun equipo coñecido pola súa ideoloxía antifascistas e por lucir as cores da bandeira republicana española na súa camisola. 

O Goberno de España conclúe que as novas medidas do Goberno portugués pola COVID implican que, do 1 de decembro ao 9 de xaneiro, será "obrigatorio" contar cun test negativo (PCR ou antíxenos) certificado pola "autoridade sanitaria competente" tamén para entrar no país veciño por terra aínda contando con certificado COVID de vacinación. "Non existen controis fronteirizos, pero poden establecerse controis para comprobar estas medidas", agrega Exteriores, que especifica que en calquera caso aínda cómpre que o Goberno de Portugal "estableza os termos en que se aplican as novas medidas" . Na imaxe, un test de antíxeno con resultado negativo.

• AMPLIAMOS 👉 Novas normas para entrar en Portugal: test negativo da COVID e excepcións para persoal transfronteirizo
• A OMS subliña as "considerables incertezas" sobre ómicron e o mundo rico axítase en vésperas do segundo Nadal coa COVID

Nove candidaturas galegas na fase final dos Goya: Luis Tosar (Maixabel) e Javier Gutiérrez (La hija) optarán a seren distinguidos como mellor actor protagonista, Celso Bugallo (El buen patrón) como mellor actor de reparto e Chechu Salgado (Las leyes de la frontera), como mellor actor revelación. Ademais, Valentina, de Chelo Loureiro, é finalista no Goya como mellor longametraxe de animación e The Monkey, de Xosé Zapata e Lorenzo Degl’Innocenti, opta ao premio como mellor curta de animación. Zeltia Montes está nomeada na categoría de mellor música orixinal por El buen patrón e Tres, de produción galega con Frida Films, é finalista nas categorías de mellor guión orixinal e mellor son. Os Goya entréganse o 12 de febreiro en València. Todas as categorías, nesta ligazón. (Imaxe: © Academia de Cine)

Falece o fotógrafo lucense Carlos Valcárcel, referente da profesión e recoñecido polas súas imaxes da Galicia rural dos anos 70. Foto: © Editorial Canela. 

• OBITUARIO | Carlos Valcárcel, fotógrafo da vida galega que foi

Os novos contaxios de COVID mantéñense por riba dos 500 en Galicia, onde hai 21 persoas ingresadas nas UCI por coronavirus.

Centos de persoas maniféstanse no Barco por unha "sanidade digna" no oriente ourensán e contra a falta de recursos no Hospital Comarcal de Valdeorras. Máis información, hoxe en Praza.gal. Foto: Noa Presas. 

• O oriente ourensán sae tamén á rúa por unha "sanidade digna" ante a falta de recursos no hospital comarcal

Falece a escritora Almudena Grandes. Unha das máis importantes figuras da literatura en castelán morreu este sábado aos 61 anos a causa dun cancro. Foto: CC-BY-SA Jpedreira

PP, Vox e Ciudadanos apoian a marcha de milleiros de policías contra a reforma da lei Mordaza. Os convocantes aseguran que a norma deixa indefensas as forzas de seguridade. Casado acusa a PSOE e Podemos de facelo para "poder incendiar a rúa cando non gobernen". Fotos. Jusapol. 

Javier Guerra presenta a súa candidatura a liderar o PP de Vigo e confirma a súa "intención" de ser candidato á alcaldía en 2023. A outra aspirante á presidencia da formación local é a delegada da Xunta na cidade, Marta Fernández-Tapias,

• Dous ex-conselleiros aspiran a dirixir o PP de Vigo fronte á delegada da Xunta, aposta da dirección de Alfonso Rueda