Fálase

Pedro Sánchez advirte do lanzamento de "loiadas sobre a miña saúde". "Non padezo ningunha enfermidade cardiovascular pero se fose así non habería ningún problema. Hai milleiros de persoas que as padecen e levan unha vida normal grazas aos servizos públicos que vostedes desmantelan", di o presidente do Goberno de España a través das redes sociais en referencia á "ultradereita e á dereita ultra" despois de que no pleno do Congreso a deputada do PP Cayetana Álvarez de Toledo cuestionase o Executivo ao respecto, ao fío de publicacións en portais dereitistas.

A asesora lingüística e tradutora Rosa Moledo, Premio de Honra Fernando Rey da Academia Galega do Audiovisual. O galardón, que recibirá na gala dos XXIV Premios Mestre Mateo o vindeiro 21 de marzo no auditorio Fuxan os Ventos de Lugo, recoñece unha traxectoria profesional de máis de trinta anos vencellada ao audiovisual galego, caracterizada polo rigor lingüístico, o compromiso coa lingua e unha achega fundamental á calidade das producións de cine, televisión e plataformas audiovisuais. Moledo traballou en numerosas obras audiovisuais para cinema, televisión e plataformas,  como A lingua das bolboretas, Os luns ao sol, O lapis do carpinteiro, Cela 211, Os Fenómenos, O noso último verán en Escocia, Lupin, Mareas Vivas, 4º sen ascensor, A familia Pita, Fariña, O caso Asunta, ou Rondallas, entre outras moitas. Na imaxe, Lucía Veiga e Carmen Méndez, presidenta e vicepresidenta da Academia, anunciando o galardón xunto a Jacobo Sutil, director da Agadic [© Javi G. Sobrado]

• HEMEROTECA | Entrevista - Rosa Moledo: "A tradución é un traballo que cando está mal, nótase e se non se nota normalmente é que está ben"
• HEMEROTECA | Entrevista - Rosa Moledo: "Púxose máis esforzo en coidar a lingua de ‘Fariña’ do que se ve en moitos produtos actuais da TVG"

Morre Tejero, o tenente coronel protagonista do 23-F. O anuncio da súa morte, aos 93 anos, coincide coa desclasificación de documentos do Golpe de Estado por parte do Goberno de España. [Imaxe: TVE]

• A resposta galega ao 23F nos documentos desclasificados: paros obreiros e estudantís
• O separatismo violento galego, "ameaza potencial a moi longo prazo": a visión militar 13 días antes do 23F
• HEMEROTECA | 40 anos do 23-F: a noite que a democracia cambaleou

O PP coloca un pequeno busto de Manuel Fraga nas instalacións do seu grupo no Parlamento "despois do debate suscitado nos últimos días, unha vez máis polos grupos da esquerda radical, cun ataque ao busto de Fraga localizado na súa vila natal, en Vilalba; e coa petición de retirada do que está colocado no Senado de España".

• HEMEROTECA (2017) | "Buscade no río": A pista xeralizada en Vilalba para atopar o busto de Fragav

O Goberno de España ten xa publicada no web da Moncloa toda a documentación do 23F que vén de desclasificar. "Recordar o pasado é a mellor forma de avanzar con progreso, concordia e liberdade", sinala Pedro Sánchez.

• AMPLIAMOS 👉 A resposta galega ao 23F nos documentos desclasificados: paros obreiros e estudantís

✍️45 anos despois do golpe estamos a recuperar a reportaxe que elaboramos en Praza.gal polo cuadraxésimo aniversario, na que conversamos con militantes da esquerda sobre as súas vivencias daquel tempo e reconstruímos os nomes galegos das 'listas negras' que os golpistas manexaban 

• HEMEROTECA | 40 anos do 23-F: a noite que a democracia cambaleou

O BOE publica a desclasificación de todos os "asuntos, actos, documentos, informacións, datos e obxectos" relativos ao intento de golpe de Estado" do 23F e fai oficial o acordo aprobado este martes no Consello de Ministros. Está previsto que a documentación estea dispoñible no sitio web oficial de La Moncloa en torno ao mediodía deste mércores.

✍️45 anos despois do golpe estamos a recuperar a reportaxe que elaboramos en Praza.gal polo cuadraxésimo aniversario, na que conversamos con militantes da esquerda sobre as súas vivencias daquel tempo e reconstruímos os nomes galegos das 'listas negras' que os golpistas manexaban 

• HEMEROTECA | 40 anos do 23-F: a noite que a democracia cambaleou

O Tribunal Constitucional levanta por unanimidade a suspensión provisional das reformas da Xunta sobre repotenciación dos parques eólicos e trámites da Lei de Dependencia mentres resolve o fondo do asunto. Ambos preceptos, incluídos na lei de acompañamento dos orzamentos de 2025, foron recorridos polo Goberno de España ao considerar que invaden competencias estatais. O TC considera que manter a suspensión sería máis prexudicial para o medio ambiente que levantala, no caso da norma eólica, e que na tramitación conxunta das valoracións de discapacidade e dependencia non hai un prexuízo para o interese público mentres o caso segue adiante. [Imaxe: © TC]

O Consello da Cultura Galega entrega as súas Medallas de Honra a Kathleen March e a Francisco Díaz-Fierros. A filóloga estadounidense e o edafólogo arousán recibiron este martes os galardóns en recoñecemento á súa contribución ao desenvolvemento das actividades da institución.

CIG-Saúde convoca folga na atención primaria o vindeiro 12 de marzo ante a "situación límite do sistema". Persoal concentrouse en centros de saúde e PAC para exixir "medidas urxentes" que garantan a "calidade asistencial e condicións laborais dignas". 

• Enésima reforma do Sergas nos centros de saúde tras outro modelo frustrado e seis anos de traballo baldío

O conselleiro de Cultura recibe no Gaiás á "fallera maior de València", Carmen Prades, e "á súa corte" nun encontro para "coñecer máis sobre esta celebración", indica José López Campos [Imaxe: CC BY-SA Xoán Crespo / Xunta]