O Dépor, a un paso do ascenso á Liga Iberdrola, máxima categoría do fútbol feminino. As xogadoras branquiazuis derrotaron o Fermaguín por 2 a 0, con goles de Peke e Nuria. O desenlace, o vindeiro domingo ás 12 horas en Arguineguín (Gran Canaria)
Fálase
-
O PSdeG-PSOE podería gobernar 6 das 7 cidades, segundo a primeira entrega do tracking que La Voz de Galicia publicará ao longo da campaña. Os socialistas conservarían Vigo (ampliando a súa maioría) e Lugo, e poderían facerse con A Coruña, Compostela e Ferrol, sendo ademais a forza máis votada en Ourense. O BNG acadaría a maioría absoluta en Pontevedra e o PP descendería en todas as urbes.
Compostela acolleu a cuarta edición dos Premios Gala do Libro Galego, organizados por pola Asociación de Escritores e Escritoras en Lingua Galega (AELG), a Asociación Galega de Editoras (AGE) e a Federación de Librarías de Galicia (FLG). Estes son os gañadores e gañadoras
O CGAC homenaxeou este venres a Berta Cáccamo, finada hai un ano. O evento, no que participaron Santi Olmo, Carlota Álvarez Basso, Juan Martínez de la Colina, Xosé María Álvarez Cáccamo, Juan de Nieves, Miquel Mont e Anne-Marie Cornu, pechouse coa proxección do filme "Un recorrido con Berta" (Anne-Marie Cornu, 2017-2018).
Susana Sánchez Arins e Marta Chaves gañan o certame aRi[t]mar Galiza e Portugal 2019, organizado pola Escola Oficial de Idiomas de Compostela. Os poemas serán interpretados na Gala que se realizará en outono, xunto coas cancións premiadas de Tanxugueiras e Os Azeitonas, e a participación de Uxía, premio especial do xurado á Embaixada da amizade galego-lusófona.
Entidades veciñais e anpas protestaron en Vigo contra a saturación do servizo de Pediatría na comarca e as eivas que presenta, sobre todo nos meses de verán. 78 concellos galegos perderon o seu único pediatra dende o 2004, o que deu lugar a numerosas protestas nos últimos meses.
Persoal dos medios públicos galegos volve protestar no #VenresNegro51CRTVG reivindicando a información de proximidade e denunciando a fin das desconexións locais. Defende A Galega, impulsor das mobilizacións, recolleu a pasada semana o Premio José Couso en Ferrol.
A Universidade de Santiago confirma a eliminación do requisito de acreditar o coñecemento dunha lingua estranxeira para obter a titulación de grao. Vén de ser aprobado polo claustro da institución académica.
Falece Alfredo Pérez Rubalcaba. O que fora vicepresidente do Goberno central, ministro de González e Zapatero e secretario xeral do PSOE morre aos 67 anos por mor do ictus que sufriu o pasado mércores.
A profesora galega Helena Miguélez-Caballeira, directora do Centro de Estudos Galegos de Gales, aceptada na Gorsedd Beirdd Ynys Prydain, a orde que honra ás persoas pola súa contribución ao País de Gales e á lingua galesa.
