Fálase

A Xunta aumenta de catro a seis (Paradela, A Pobra de Brollón, Boborás, A Mezquita, Vilardevós e Pontecesures) os concellos que a partir deste venres estarán no nivel máximo de restricións. Outras 13 localidades situaranse no nivel alto: Soutomaior, Ponte Caldelas, Vilanova de Arousa, Mos, Cambados, Guitiriz, Lourenzá, Chantada, Mugardos, Cariño, Arteixo, Miño e Sobrado. O resto de Galicia ficará no nivel medio, segundo vén de anunciar a Consellaría de Sanidade despois da xuntanza do comité clínico de seguimento da pandemia de Covid-19

• MAPA INTERACTIVO: Podes consultar aquí as restricións existentes en cada concello a partir deste venres

O Goberno central recorrerá finalmente ante o Tribunal Supremo a sentenza xudicial que abría a porta a indemnizar á familia Franco polo Pazo de Meirás. Avogacía do Estado sinala agora que realizou “un estudo detallado da sentenza que permitiu aprezar erros de interpretación ou alteracións sobre as pretensiones exercitadas na demanda”.

• AMPLIAMOS 👉 O Estado dá marcha atrás e recorre para evitar pagar aos Franco polo Pazo de Meirás
• HEMEROTECA | Meirás, entre a "inadmisible" indemnización aos Franco e a renuncia do Estado a litigar no Supremo

Falece aos 73 anos o xornalista Pepe Rei. Rei, nado en Cenlle, destacou polo seu traballo como xornalista de investigación en diversos medios. Tamén na súa etapa no xornal Egin, medio no que foi obxecto de detencións e procesos xudiciais acusado de colaborar con ETA, nos que acabaría absolto, e despois na revista Ardi Beltza, dende a que tivo que enfrontar un proceso por "calumnias" ao Garda Civil Rodríguez Galindo, ligado aos GAL. En 2002 sufrira un grave accidente de tráfico do que padecía abondosas secuelas. Na imaxe, fotografía de Rei nun libro sobre a súa traxectoria.

Xa se pode ver o trailer do documental 'Galicia 10 Marzo', que se estreará o vindeiro ano 2022, no 50 aniversario dos asasinatos en Ferrol de Amador Rey e Daniel Niebla, na data máis icónica do movemento obreiro galego. O filme está dirixido por Roi Cagiao, que hai catro anos presentou 'Vigo 1972'. 

• "En Vigo conmemórase a Reconquista, pero non a folga de 1972, que foi un fito na cidade"

A Xunta mantén Asturias na lista de comunidades coa obriga de control pola COVID de viaxeiros que cheguen a Galicia, da que sae Castela e León. Unha nova actualización da anterior listaxe de territorios publicada hai dúas semanas segue a contemplar o rexistro de viaxeiros tamén para Portugal e Francia.

O Parlamento Europeo levanta a inmunidade a Carles Puigdemont e aos ex-conselleiros cataláns Toni Comín e Carla Ponsatí. Esta decisión implica reactivar os procesos das euroordes contra os ex-dirixentes do Goberno de Catalunya. O resultado foi de 400 votos a prol fronte a 248 en contra e 45 abstencións, no caso de Puigdemont.

O Tribunal Supremo do Brasil anula todas as condenas na operación Lava Jato contra Lula da Silva, que recupera así os seus dereitos políticos e a posibilidade de concorrer ás eleccións no 2022.

• HEMEROTECA | As revelacións da conspiración xudicial contra Lula deixan en evidencia a separación de poderes no Brasil

O festival O Marisquiño celebrarase en agosto en Vigo grazas a novas achegas de administracións e patrocinadores despois de que a empresa organizadora anunciase hai dúas semanas a súa marcha da cidade. Tras o accidente de 2018, O Marisquiño volveuse celebrar en 2019 pero non en 2020, por mor do coronavirus.

Dende este luns a Xunta deixa de aplicar peches perimetrais nas áreas sanitarias da Coruña e Pontevedra e os peches individuais atinxen só a catro concellos. Estas son as novas medidas que entran en vigor na medianoite do domingo:

• INTERACTIVO | As restricións da Xunta pola COVID-19 dende o 8 de marzo, sobre o mapa e por concellos
• A Xunta limita as restricións de mobilidade a 17 concellos dende o 8 de marzo pola mellora dos indicadores da COVID

Ana Peleteiro, subcampioa de Europa en pista cuberta, ao saltar 14,52 metros. A atleta de Ribeira ficou a só un centímetro da gañadora e non puido revalidar o título acadado hai dous anos. Xunto coa mugardesa Belén Toimil, que o venres obtivo a mínima olímpica en lanzamento de peso e ficou sétima na final do sábado, Peleteiro amosou o elevado nivel do atletismo galego.

• AMPLIAMOS 👉 Peleteiro dedica o seu novo éxito ao 8M e "a todas esas mulleres que loitan por ocupar o lugar que merecen"
• HEMEROTECA O agradecemento de Ana Peleteiro pola Medalla Castelao: "Sobre todo, eu son galega"