Fálase

O festival O Marisquiño non se celebrará en 2021. A organización confirma a suspensión do evento por falta de financiamento, asegura que "non volverá celebrarse en Vigo" e, segundo a empresa, promotora, Factor Ulises, valorarán a posibilidade de celebralo fóra de Galicia. Entre os recortes e incertezas sobre achegas económicas citan ao Concello de Vigo, á Deputación de Pontevedra e á Xunta. Tras o accidente de 2018, O Marisquiño volveuse celebrar en 2019 pero non en 2020, por mor do coronavirus.

A Xunta segue a fixar datas para exames de oposicións adiados pola pandemia. Os días 20 e 21 de marzo desenvolveranse nos recintos feirais de Silleda e Lugo. as probas de Psicoloxía, Traballo Social, Asistencia Social, Corpo Superior, Medicina e Bioloxía. Así o vén de anunciar o Goberno galego.

• HEMEROTECA | A Xunta ratifica que vai poder mudar as oposicións, xa convocadas ou non, con "calquera medida" que considere

Ana Peleteiro revalida o seu título de campioa de España de triplo salto. A atleta barbanzá saltou 14,21 metros. RTVE ofrece as imaxes da competición (Imaxe: captura RTVE). A mugardesa Belén Toimil, pola súa banda, rematou campioa de lanzamento de peso cun lanzamento de 17,81 metros. 

O galego é a lingua con máis falantes en Bizkaia tras o éuscaro e o castelán. Así o acredita un estudo da Deputación biscaíña que recolle ETB. A fonda pegada da emigración galega en Euskadi foi retratada por Davide Cabaleiro no documental Sitio Distinto. Na imaxe, o Guggenheim de Bilbao (CC-BY Naotake Murayama)

• CON VÍDEO | 'Sitio Distinto': a emigración galega en Euskadi e a súa pegada cultural

Persoal da CRTVG mobilizado na plataforma Defende a Galega cumpre 144 'venres negros' reivindicando a aplicación íntegra da lei dos medios públicos."Di o director xeral que a achega dos traballadores é fundamental para gañar novos públicos. Por que non nos deixa entón facer o noso traballo? Por que o supedita aos intereses de quen está no poder?", pregúntanse nesta nova xornada de mobilización.

• HEMEROTECA | A Xunta di que o director da CRTVG será remudado cando haxa "diálogo" tras mudar a lei para mantelo indefinidamente

A Audiencia da Coruña fixa en 25 anos o tempo mínimo de cadea antes da revisión da prisión permanente a que foi condenado o autor do asasinato de Diana Quer en 2016. O tribunal fixa tamén en 18 anos o prazo para que José Enrique Abuín poida acceder ao terceiro grao penitenciario que lle permitiría saídas puntuais. Abuín, detido en decembro de 2017, foi condenado por asasinato e agresión sexual en novembro de 2019, sentenza que o TSXG ratificou o pasado xuño.

A misión Perserverance da NASA chega á superficie de Marte poucos días despois de que entrasen na órbita do planeta as misións Al Amal (Emiratos Árabes Unidos) e Tianwen-1 (China). GCiencia explica a importancia deste avance nas pescudas espaciais. Na fotografía, da NASA, a primeira imaxe de Marte remitida dende a nave.

A vacinación contra a Covid-19 das persoas de 80 anos ou máis en Galicia comezará este venres na área sanitaria de Santiago e Barbanza, coa administración da vacina a 569 persoas en oito centros de saúde. Trátase dunha proba piloto do proceso xeral de vacinación deste grupo de idade, que comezará o luns en toda Galicia

• As autoridades sanitarias definen os grupos prioritarios de vacinación contra a COVID ata a poboación entre 45 e 55 anos

O Tribunal Superior de Xustiza de Galicia rexeita suspender de forma cautelarísima o peche da hostalería decretado pola Xunta nas restricións pola COVID-19 aprobadas a finais de xaneiro. Pedíao a Asociación Provincial de Empresarios de Hostalería da Coruña no seu recurso contra as medidas.

• AMPLIAMOS 👉 O TSXG non ve razóns de urxencia para anular o peche da hostalaría pero pídelle á Xunta que xustifique a medida
• HEMEROTECA | "A Xunta non é quen máis axudas directas dá á hostalería; esa historia desmóntase axiña"

A Xunta retoma o 14 de marzo a celebración de exames de oposicións no recinto feiral de Silleda. Ás primeiras probas, do grupo A2 de Fisioterapia, están convocadas 404 persoas. O Goberno galego asegura ter preparado un dispositivo que garante a seguridade ante posibles contaxios da COVID. 

• HEMEROTECA | A Xunta prevé exames distintos para aspirantes a unha mesma oposición