Fálase

Beade e Maside son os únicos concellos que dende este venres ficarán no nivel máximo de restricións ante a COVID, con limitacións de mobilidade. A Xunta establece o nivel alto para Vilardevós, Ortigueira, Abegondo, Neda, O Saviñao, Sanxenxo e Baiona. E o nivel medio estará vixente en Boimorto, O Carballiño, Ribadavia, Xinzo de Limia, Bergondo, Culleredo, Ponteceso, Arteixo, A Coruña, A Laracha, Betanzos, Camariñas, Laxe, Valdoviño, Coles, Soutomaior, Cangas, Sober e Pantón. O resto de Galicia queda no denominado "nivel medio-baixo", despois da xuntanza do Comité Clínico que vén de rematar.

• MAPA INTERACTIVO | Podes consultar aquí o nivel no que queda cada concello e as restricións aplicadas en cada lugar

As escolas infantís públicas da Xunta inician a reserva de praza, aberta ata o 12 de abril. O Goberno galego publica este martes no DOG o comezo do procedemento tanto para os centros da Axencia Galega de Servizos Sociais como do Consorcio Galego de Servizos de Igualdade e Benestar que comparte cos concellos.

• HEMEROTECA | Ter un bebé en Galicia: Garderías que non concilian

A Xunta mantén só a Asturias, Madrid, Euskadi e Catalunya na lista de comunidades coa obriga de control pola COVID de viaxeiros que cheguen a Galicia. Unha nova actualización da anterior listaxe de territorios publicada hai dúas semanas segue a contemplar o rexistro de viaxeiros para Francia pero xa non para Portugal.

DOCUMENTO | Así se distribúen as prazas da Oferta Pública de Emprego para 2021 que a Xunta formulou aos sindicatos. Na liña do avanzado, as prazas de acceso libre para as diferentes categorías roldan o milleiro. Podes consultar o detalle nesta ligazón. Na imaxe, exames de oposicións en Silleda, a pasada fin de semana.

O reinicio da vacinación contra a COVID-19 coa vacina de Oxford-AstraZeneca tamén incluirá á poboación de entre 55 e 65 anos. Segundo avanza La Vanguardia, así o acordaron esta mañá os representantes do Estado e as autonomías a Comisión de Saúde Pública, como paso previo á súa ratificación no Consello Interterritorial deste mesmo luns.

• As mortes coa COVID nas residencias pasan de ser o 40% do total de Galicia a apenas o 6% tras a vacinación
• A Axencia Europea reafirma a seguridade da vacina de AstraZeneca

A plataforma Por un monte galego con futuro mobilizouse este domingo en vilas e cidades contra o novo plan forestal da Xunta e pola aplicación inmediata da moratoria do eucalipto. Na imaxe, o acto reivindicativo de Melide.

• Adega e SLG alertan de que a moratoria do eucalipto anunciada pola Xunta provoca un "efecto chamada" con máis plantacións

Un incendio forestal queima unhas 40 hectáreas na parroquia compostelá de Figueiras. Foi preciso o traballo de ata 9 brigadas na súa extinción, complicada polo forte vento. (Na imaxe, a contorna onde aconteceu o incendio ©Google)

A Asociación de Medios en Galego desenvolve este sábado a súa gala anual dende a Casa de Rosalía. O evento, conducido polo actor Federico Pérez, pódese seguir ao vivo en liña

• Un Día dos Medios en Galego con "moito que sachar" para normalizar o uso da lingua

Ás 10:37 comezou a primavera. Como explica Meteogalicia, a esa hora, a Terra pasou polo equinoccio e "nese punto os dous polos, norte e sur, están á mesma distancia do sol e soamente unha metade exacta da terra está iluminada". Imaxe do satélite Meteosat divulgada por Meteogalicia.

A Comisión Europea recomenda vixiar a evolución da COVID-19 a través da presenza do SARS-CoV-2 nas augas residuais, ao xeito do que xa sucede na Coruña co proxecto COVID Bens. A investigadora que coordina o proxecto, Margarita Poza, explicaba hai poucos días en Praza.gal que teñen constatada a súa capacidade para anticiparse aos rebrotes da pandemia.

• ENTREVISTA | Margarita Poza: "Nin sequera nós sabiamos que tiñamos esta capacidade de adiantarnos aos brotes. Pero xa pasou catro veces"