Persoal da CRTVG pon o acento no risco de "desmantelamento" dos medios públicos galegos no venres negro número 74, impulsado dende o colectivo Defende a Galega
Fálase
-
O secretario xeral do PPdeG, Miguel Tellado, sentencia que "algo cheira a can mollado" no PSdeG "dende que o señor Gonzalo Caballero chegou" ao seu liderado porque "non se pode dicir unha cousa e facer as contrarias", acusou en referencia ás críticas do socialista polas actuacións do Concello de Ourense no programa VioGén no que, subliña, o Concello de Lugo tampouco participa.
Ampliado o prazo de envío do voto por correo nas eleccións xerais do 10N ata o 8 de novembro. A solicitude do sufraxio postal pódese realizar ata o 31 de outubro. Consulta aquí os prazos actualizados.
A Audiencia Nacional ordena pechar o sitio web da plataforma independentista catalá Tsunami Democràtic. O xuíz que deu a orde é o mesmo que investiga os CDR e, segundo fontes xurídicas, investiga a Tsunami Democràtic á procura de indicios de "terrorismo".
Feijóo cualifica de “punteira” a nova furgoneta de Toyota, presentada na delegación da Xunta en Vigo. Faino tras recomendar hai dúas semanas a Pablo Casado nun mitin que compre o novo todocamiño de Peugeot “porque ten un prezo/calidade fantástico”.
Comezan a chegar a Barcelona milleiros de persoas diferentes columnas das 'Marchas pola liberdade' organizadas pola ANC e Òmnium como resposta á sentenza do procés. Prevese que a manifestación na que confluirán adquirirá dimensións semellantes ás das Diadas máis concorridas.
Carles Puigdemont queda en liberdade sen fianza tras declarar ante o xuíz en Bruxelas á espera da decisión sobre a súa entrega ás autoridades españolas, que o xuíz Llarena volveu reclamar nunha nova euroorde por sedición e malversación e non por rebelión, como nos seus anteriores intentos.
O escritor Mario Regueira gaña o premio Premio de Xornalismo Manuel Lueiro Rey do concello de Fornelos de Montes co artigo Matar o recadeiro, no que aborda a precariedade laboral do persoal de empresas de envío de mercadorías a domicilio. O premio entrégase o 24 de novembro en Fornelos.
O PSOE segue en cabeza cara ás eleccións xerais do 10N, pero separado dun PP á alza por apenas vinte escanos. É unha das conclusións do promedio de enquisas que ofrece eldiario.es, que sitúa a Ciudadanos en risco de caer por baixo de Vox por mor do seu forte devalo.
PSOE, PP, Ciudadanos, Unidas Podemos e Vox acordan celebrar un debate televisivo previo ás eleccións xerais do 10N. Será o 4 de novembro organizado pola Academia de Televisión e moderado pola xornalista María Casado. Os grupos apuntan que a data era a preferida polos socialistas.
