PSOE, PP, Ciudadanos, Unidas Podemos e Vox acordan celebrar un debate televisivo previo ás eleccións xerais do 10N. Será o 4 de novembro organizado pola Academia de Televisión e moderado pola xornalista María Casado. Os grupos apuntan que a data era a preferida polos socialistas.
Os cabalos das San Lucas comezan a baixar cara á praza da Catedral de Mondoñedo. A histórica feira, que se remonta a hai 863 anos, desenvólvese ata o domingo e inclúe desta volta o Festival Intercéltico con Gwendal e Xabier Díaz e as Adufeiras de Salitre entre os participantes.
Unha vintena de universidades de todo o Estado organizan debates sobre prostitución para "estimular o diálogo" tras a cancelación dunhas Xornadas sobre traballo sexual na Universidade da Coruña
A Xunta coloca na fachada da súa delegación viguesa unha gran lona co lema A Xunta con Vigo. O Goberno galego vén utilizando esta expresión para promocionar as súas accións na cidade dende que encomendou a delegación a Corina Porro, Anteriormente veu usando o lema A que + inviste en Vigo. Noutras ocasións xa colocara pancartas no mesmo edificio para publicitar o cumprimento de "compromisos". (Imaxe: CC BY-NC-SA Praza Pública)
Craega lanza a campaña 'Somos semente' para impulsar o consumo de produto ecolóxico en Galicia. A produción ecolóxica galega duplicouse dende o 2016 e xa factura 80 millóns de euros ao ano. O seu presidente, Francisco López Valladares, destacaba nesta entrevista que "temos que ser capaces de chegar ás novas xeracións e convencelos de que no rural se pode vivir"
Reino Unido e a UE alcanzan un acordo para o Brexit. Os equipos chegan a un acordo a poucas horas do comezo do cumio de líderes en Bruxelas. Nesta ligazón pódese consultar a nova redacción do pacto. A análise, en Té con Gotas
Plataformas de pensionistas de todo o Estado mobilízanse ante o Congreso tras días de marchas de protesta para reivindicar as pensións públicas e o mantemento do seu poder adquisitivo (Imaxe: UP)
A serie Hierro, que dirixe o galego Jorge Coira, leva o Premio Ondas á mellor serie española ex aequo con 'Arde Madrid'. Ambas son da plataforma Movistar+. Ademais, a actriz Candela Peña obtén o Ondas á mellor interpretación polo seu papel nesta serie.
As fortes chuvias obrigan á apertura as comportas do encoro de Santa Uxía, en Dumbría, e con ela a auga flúe con forza na fervenza do Ézaro. Imaxes divulgadas polo Concello de Dumbría
As Pontes, paralizada pola folga xeral que reclama unha "transición xusta" tras o anuncio de Endesa do peche da central térmica. Comercio, entidades bancarias ou colexios permanecen pechados e máis dun cento de camións, 20 autocares e coches particulares acoden a Madrid para manifestarse ante o Congreso dos Deputados. Máis información, hoxe en Praza.gal.
