Fálase

Medio Rural dá por controlado o incendio na parroquia de Meira, en Moaña, que na tarde deste luns mantivo alerta a toda a veciñanza da zona pola proximidade das lapas ás vivendas, polo que se decretou a Situación 2 de emerxencia. A Consellería estima que arderon máis de 20 hectáreas de terreo neste lume, no que aínda seguirán traballando ata lograr a súa extinción.

O lume na parroquia de Guillade, en Ponteareas, segue estabilizado e "evoluciona favorablemente", segundo traslada Medio Rural. Leva arredor de 25 hectáreas ardidas e está "practicamente perimetrado".

• A tregua dos incendios remata e o lume volveu ameazar vivendas en Moaña e Ponteareas

Activos varios incendios en Moaña, As Neves ou Negreira. O que afecta ao Morrazo, achegado ás casas en Meira, obrigou a cortar o Corredor do Morrazo entre os quilómetros 5 e 6, segundo informa Medio Rural. Foto: @Incendiosgalic1

+INFO | A tregua dos incendios remata e o lume ameaza vivendas en Moaña e Ponteareas

Pedro Sánchez anuncia que o Consello de Ministros declarará mañá como "zona catastrófica" os territorios afectados polos "grandes incendios deste ano". En Galicia, nove incendios superaron as 500 hectáreas ardidas neste verán, superficie a partir da cal son considerados Grandes Incendios Forestais (GIF). 

• DATOS | 2022 xa é o segundo peor ano de incendios por hectáreas queimadas desde 2006

Este domingo finalizou en Vilagarcía de Arousa o Festaclown 2022 cunha 'Gala contra a Guerra' realizada por Pallasos en Rebeldía. "Cremos no circo e na risa como motor de cambio", subliñou a organización

Finaliza a rodaxe do filme 10 de marzo, centrado nos sucesos de 1972 en Ferrol, onde foron asasinados os traballadores Amador Rey e Daniel Niebla por disparos da Policía Armada. A produtora Arthur Gordon vén de finalizar a rodaxe das dramatizacións desta película que chegará aos cines no último trimestre do ano. 

• O 10 de marzo, 50 anos despois: o día que o movemento obreiro fixo abalar a ditadura en Ferrol

Derrubado o van do viaduto da A-6 en Pedrafita que aínda quedaba en pé logo do colapso sufrido pola vía no pasado mes de xuño. O treito que aínda quedaba foi botado abaixo pasadas as 13 horas. 

• O ministerio reduce de 10 a 4 quilómetros o desvío da A-6 en Pedrafita e propón a A-8 ou a A-52 para os transportes especiais

Renfe prolonga ata Alacante os dous servizos AVE que comunican a diario Ourense e Madrid. Será a partir do 13 de setembro, tras a reestruturación das estacións madrileñas e a apertura do túnel baixo esa cidade que permite a comunicación directa entre as liñas do norte e do leste e o sur peninsular.

España reduce un 3,7% o consumo de luz polas medidas de aforro, pero gasta un 6% máis de gas. infoLibre conta como o gas natural é a principal fonte de xeración de enerxía pese á vontade de Bruxelas de reducir o seu consumo.

A caída dunha árbore cortou a liña de tren A Coruña-Lugo entre os concellos de Curtis e Oza-Cesuras, segundo informa Adif.

• HEMEROTECA (2019) | A obsoleta liña Lugo-A Coruña impide que os trens circulen máis de dez quilómetros á mesma velocidade

A folga de tripulantes de cabina de Ryanair cancela catro voos en Santiago. Cubrían a ruta entre Compostela e Madrid e Compostela e Fuerteventura.