Fálase

Os Mossos d'Esquadra deteñen o rapeiro Pablo Hasél para levalo ao cárcere a cumprir nove meses de condena por "enaltecemento do terrorismo" e "inxurias e calumnias" á Monarquía e á Policía en mensaxes en Twitter e vídeos das súas cancións. Hasél, que xa avanzara que non se entregaría pola súa propia vontade, permanecía en instalacións da Universidade de Lleida, xunto a persoas contrarias ao seu prendemento. Nas últimas semanas, numerosas persoas do mundo da cultura, o xornalismo e a política opuxéronse nun manifesto a esta detención e esixiron a fin dos tipos penais ligados á opinión.

O pleno de Pontevedra aproba dedicar unha rúa da cidade a Virxinia Pereira. Será a vía ata agora dedicada a Juan Carlos I. A decisión saíu adiante cos votos a prol de BNG e PSdeG, socios no goberno local. Crónica da sesión, en Pontevedra Viva.

• HEMEROTECA | As cartas de Virxinia Pereira amosan o seu compromiso ideolóxico e a defensa do legado de Castelao
• OPINIÓN | Virxinia Pereira contra o silencio e a deturpación, por Luís Bará

A Xunta permite ao comercio "recuperar o seu horario", pero co 50% de capacidade, "dende o mércores", reabre bibliotecas, arquivos e museos e outras instalacións culturais ao 30% e permite recuperar o deporte federado autonómico. As universidades retomarán as clases presenciais o 1 de marzo.

• AMPLIAMOS 👉 A Xunta levanta a restrición horaria do comercio pola COVID e reabre espazos culturais e aulas universitarias

A Real Academia Galega publica o segundo vídeo da serie 'Conseguiremos', o proxecto que busca conectar as novas xeracións co idioma a través da participación de mozos e mozas "que son exemplo da Galicia con máis talento e que empregan o galego en todos os contextos da vida e da creación". A peza está protagonizada polos músicos Alejandro Guillán Baiuca e Laura Lamontagne

• De Verónica Boquete a Baiuca ou Andrés Goteira, vídeos que amosan as "novas voces para a lingua"

A Xunta revela este mediodía, a partir das 13:30, os seus plans inmediatos sobre as restricións da COVID. Segundo o aprobado a finais de xaneiro, as actuais medidas están vixentes ata este mércores, 17 de febreiro. 

• HEMEROTECA | Sanidade ve "pouco prudente falar de desescalada" das restricións da COVID e Feijóo anúnciaa como "medida e gradual"

ERC gañaría as eleccións en Catalunya por diante do PSC, segundo unha enquisa de TV3. O independentismo superaría o 50% dos votos. A enquisa para El Periódico prevé un triplo empate na cabeza entre PSC, ERC e JxCat. 

• AMPLIAMOS O independentismo alarga a maioría en Catalunya co PSC como forza máis votada

A participación nas eleccións catalás cae 22 puntos ata as 18 horas con respecto aos comicios de 2017. Foto: @ajlarapita

O Sergas dá por finalizada a vacinación contra a COVID de persoas usuarias e traballadores das residencias de Galicia tras subministrar esta semana a segunda dose aos últimos membros deste colectivo prioritario. Os centros que sufriron gromos recentemente recibirán a vacina "así que se normalice a situación". O luns Sanidade comeza a chamar os maiores de 80 anos para empezar a vacinalos a partir do 22 de febreiro. 

Constituídas máis do 97% das mesas nas eleccións catalás, unha cifra semellante á de 2017 malia as dificultades provocadas pola pandemia. Foto: @AjSitges

Carmen Avendaño despide a Abel, o fillo que impulsou a súa loita contra o narcotráfico. "Levaba tempo enfermo, pero como a súa nai, nunca deixou de loitar", di a asociación Érguete.