A candidata a Valedora do Pobo, María Dolores Fernández Galiño, comparece este luns ante a comisión de peticións do Parlamento como paso previo á votación da súa candidatura, que previsiblemente sairá adiante en pleno cos votos a prol, cando menos, do PP e do PSdeG.
O secretario xeral do PSdeG-PSOE, Gonzalo Caballero e deputados de Podemos (Julia Torregosa e Marcos Cal) e de Anova (Antón Sánchez) visitaron o Rainbow Warrior en Vilagarcía, sinalando o compromiso coa loita contra o cambio climático. Caballero criticou que ningún representante do Goberno galego se achegase ao barco e Cal pídelle á Xunta que explique "se comparte o veto do Porto de Vigo a Greenpeace"
A Mostra Internacional de Teatro de Ribadavia (MIT) pechou este sábado a súa 35ª edición cunha homenaxe a Ernesto Chao, finado o ano pasado ano, e lembrando igualmente o 50 aniversario da creación da asociación cultural Abrente, pioneira na promoción do teatro galego.
Este domingo comezan en Irlanda os Xogos Mundiais de fútbol gaélico, nos que compite a selección galega masculina e feminina. Os dous combinados, patrocinados por PuntoGal, enfrontaranse en primeiro lugar a Arxentina e Bretaña. No 2016, nos xogos mundiais de Irlanda, o equipo feminino foi quinto e o masculino, terceiro. E o pasado ano a selección feminina foi campioa de Europa e os homes foron subcampións.
O rei non celebrará, "polo momento", novas consultas cos grupos políticos para unha nova sesión de investidura tras o fracaso da de onte. Así o vén de facer público a Xefatura do Estado tras a xuntanza de Felipe VI coa presidenta do Congreso, Meritxell Batet, con quen manterá "contacto regular e permanente" para realizar a nova rolda de consultas antes da fin do prazo de dous meses que conduciría a novas eleccións.
A Xunta autoriza o trámite que faltaba para que o Concello de Lugo poida eliminar a pasarela fronte á Muralla que ía ser provisional e durou tres décadas.
Un incendio forestal queima unhas 150 hectáreas en Montefurado (Quiroga). É o primeiro do que informa oficialmente a Xunta no que vai de temporada de alto risco. Segundo Medio Rural, o lume quedou controlado este xoves. (Imaxe da extinción: Brif Laza)
En marcha a denuncia da Comisión Europea contra España por superar os límites legais de contaminación durante unha década en Madrid e Barcelona. Un recente estudo de Ecoloxistas en Acción advertiu de que Galicia pasa por riba dos limiares recomendados pola OMS, especialmente nalgúns focos urbanos e industriais.
O Congreso volve rexeitar a investidura de Pedro Sánchez ao obter só 124 votos a prol. Tras a ruptura das negociacións co PSOE, Unidas Podemos optou pola abstención. Consulta aquí o máis destacado do pleno
Unidas Podemos confirma a súa abstención na segunda votación da investidura ao non existir acordo co PSOE, polo que Pedro Sánchez non será elixido. O pleno, ao vivo nesta ligazón
