Fálase

Feijóo anuncia o peche de "todas as actividades non esenciais" en 60 concellos e o seu confinamento perimetral, entre elas as sete cidades e as súas áreas de influencia para "tentar conter" o incremento dos contaxios do coronavirus dende as 15:00 do venres e coa "previsión" de que dure un mes. As medidas inclúen o peche da hostalaría agás para servizo a domicilio. A pasada noite, a Consellería de Sanidade asegurara que o comité clínico decidira manter as restricións sen cambios, cando menos, ata o venres, pero o presidente da Xunta matiza que, en realidade, a xuntanza continuou na mañá deste mércores. 

• MÁIS INFO EN AMPLIACIÓN 👉A Xunta pecha a actividade non esencial e impón confinamento perimetral dun mes a 60 concellos

O TSXG permite a Alcoa os despedimentos pero prohíbelle parar as cubas na súa factoría da Mariña. O Superior aclara que a empresa pode executar os despedimentos previstos e mesmo deter a produción, pero "debe manter as cuBas activas por se o ERE fose nulo" e estima parte das medidas cautelares solicitadas polos representantes dos traballadores. 

• AMPLIAMOS 👉O TSXG dá folgos á loita contra o ERE de Alcoa ao impedir a parada das cubas

A Xunta anuncia unha comparecencia de Feijóo ás 13:00 para "dar conta das medidas acordadas" no comité clínico celebrado a pasada noite. Segundo o avanzado por Sanidade, as restricións continúan sen cambios ata, cando menos, o vindeiro venres.

A Consellaría de Sanidade acordou manter, sen ningún cambio, as restricións acordadas o pasado venres e que afectan, sobre todo, ás zonas urbanas, nas que de momento seguirán vixentes os peches perimetrais e a prohibición de reunións de persoas non convivintes. 

• +INFO👉 As restricións pola COVID en Galicia seguen intactas e coa vista posta no venres 6 e no luns 9

'O que arde' non será a candidata a representar a España nos Óscar. A Academia de Cine escolleu 'La trinchera infinita'. 

Castilla y León pecha hostalería e actividades comerciais non esenciais para deter a expansión da covid.  O goberno rexional suspende as visitas a residencias e advirte do "risco máximo" no territorio". 

Cando menos tres persoas mortas e unha quincena feridas nun atentado en Viena, na contorna dunha sinagoga. As autoridades austríacas investigan as posibles conexións do ataque co xihadismo. 

A Fiscalía Anticorrupción investiga os reis Juan Carlos e Sofía e varios dos seus familiares polo uso de tarxetas de crédito opacas con cartos procedentes do estranxeiro, segundo unha información que publica eldiario.es

• HEMEROTECA | Máis da metade da poboación galega cre que o actual rei coñecía as supostas comisións ilegais do seu pai

Feijóo atribúe os disturbios dos últimos días en varias cidades españolas a "ultras de extrema esquerda e extrema a dereita á vez" que "non se decatan dos centos de persoas que morren todos os días" polo coronavirus. Son declaracións en Vigo recollidas por Europa Press das que informa eldiario.es (Foto: David Cabezón / Xunta)

Asturias decreta o peche total da hostalería e o comercio non esencial e pide ao Goberno central un confinamento domiciliario de 15 días. "É vital para o control da pandemia", advirte o presidente do Principado, Adrián Barbón. 

• Nove mortes e máis presión nos hospitais galegos pola COVID mentres as probas positivas se estabilizan no 8%