Fálase

O Parlamento votará en pleno o vindeiro martes, día 24, a designación de Feijóo e Tellado como senadores a proposta do PP. Así ficou confirmado na orde do día abordada na Mesa e na Xunta de Portavoces. O obxectivo da elección é que o ex-presidente da Xunta e líder do PP teña a oportunidade de confrontar con Pedro Sánchez nalgúns debates. Os dous escanos por elección da Cámara galega que corresponden aos populares ocupábanos a ex-conselleira Elena Muñoz, anterior candidata á alcaldía de Vigo, e mais Juan Serrano, ex-alcalde de Portomarín. Na imaxe, Feijóo co presidente da Xunta na súa toma de posesión, o pasado sábado.

• Os escanos galegos do PP no Senado, de refuxio dos sacrificados nas municipais a altofalante para Feijóo
• O camiño de Feijóo ao Senado xa o fixo Fraga sen o voto a prol do PP

O Ministerio de Sanidade activa unha alerta por oito casos sospeitosos de varíola dos monos en Madrid. GCiencia explica neste artigo os datos que se coñecen sobre este posible foco e as principais características da doenza. A confirmación realizarase nas instalacións do Centro Nacional de Microbioloxía, dependente do Estado (na imaxe, de arquivo). En Portugal, as autoridades sanitarias dan por confirmados cinco casos.

Morre o escritor Domingo Villar aos 51 anos como consecuencia do infarto cerebral polo que foi ingresado o pasado luns no hospital Álvaro Cunqueiro. O falecemento foi confirmado este mércores pola editorial Galaxia [Imaxe: © Editorial Siruela]

• OBITUARIO | Morre Domingo Villar: o día máis escuro para a novela negra galega
• HEMEROTECA | Furar na trastenda social: a novela negra como metáfora da desintegración
• HEMEROTECA | De Vigo ás Rías Baixas: cartografías da narrativa galega actual

Aberto dende hoxe e ata o día 26 o prazo de inscrición nos campamentos de verán e campos de voluntariado da Xunta. A campaña conta cun total de 10.800 prazas para xullo, agosto e setembro Pódese consultar toda a información e formularios nesta ligazón. Na imaxe [CC BY-SA Xunta], unha actividade nun destes campamentos.

Persoal e familiares reclaman retirar a licenza á residencia da terceira idade Mi Casa, en Pazos de Borbén, por "non cumprir as normas sanitarias e hixiénicas básicas". infoLibre informa da denuncia e das inspeccións en marcha por parte da Xunta, así como da reacción do centro, que considera "falsas" as acusacións, xa que "se fosen certas, pecharíannos o centro".

• HEMEROTECA | A Xunta fixo 757 inspeccións a residencias privadas de maiores en cinco anos e impuxo 16 sancións
• HEMEROTECA | Dúas residencias de maiores que a Xunta manterá con xestión privada tiveron sancións por falta de persoal e obstruír inspeccións

Pedro Puy recibe a alta hospitalaria despois do infarto que o sacou do Parlamento durante a sesión de investidura de Alfonso Rueda como presidente da Xunta. O portavoz do Partido Popular na Cámara galega permaneceu catro días ingresado no Hospital Clínico de Santiago e aínda non retomará a súa actividade.

O Coruxo enfrontarase ao SCR Peña Deportiva de Ibiza no play-off de ascenso á Primeira RFEF, categoría á que xa accedeu o Pontevedra. De igual xeito, o Ourense CF xogará contra a estremeña Agrupación Deportiva Llerenense por un posto na Segunda RFEF, á que xa ascendeu o Polvorín lucense.

O escritor Domingo Villar (Vigo, 1971) atópase ingresado en estado grave no Hospital Álvaro Cunqueiro, despois de sufrir un infarto cerebral. O autor, que se atopa en coma, foi trasladado esta madrugada ao centro hospitalario, onde lle foi diagnosticada unha hemorraxia subaracnoidea, un sangrado no espazo entre o cerebro e a membrana que o rodea. Imaxe: Galaxia/Anxo Cabada 

Atopada en bo estado a menor de 10 anos cuxa desaparición fora denunciada en Sada, segundo informa La Opinión.

A familia dunha nena de 10 anos residente en Sada -na fotografía, divulgada pola familia e publicada por Radio Coruña- denuncia a súa desaparición dende o pasado domingo. Ao tempo, familia e amizades piden colaboración para achar unha muller desaparecida en Carballo dende o pasado sábado.

• ACTUALIZACIÓN | Atopada en bo estado a menor de 10 anos cuxa desaparición fora denunciada en Sada