Desconvocada a folga na Atención Primaria prevista desde mañá e ata o vindeiro xoves tras aceptar a Xunta negociar en dúas mesas todas as reivindicacións feitas pola Coordinadora Galega de Atención Primaria. Os sindicatos CCOO, CIG, UGT, CEMS-O'MEGA e CSIF decidiron desconvocar o parto de tres días. Consulta aquí toda a información
O segundo tempo do Bestiario do vestiario, as historias arredor do deporte que Martiño Suárez foi publicando en Praza.gal, preséntase esta tarde en Lugo xa en forma de libro ás 19.00 horas na Librería Trama cun miniconcerto de Grampoder interpretando cancións sobre o deporte.
Fernando Suárez Barcia repite como cabeza de lista do BNG á alcaldía de Ribadeo. Esta mañá foi presentada a candidatur nun acto que contou coa presenza da portavoz nacional do Bloque, Ana Pontón, que pide "revalidar o proxecto" de Suárez na vila mariñá.
O Deportivo destitúe o seu adestrador. Natxo González abandona o banco do equipo coruñés logo dunha mala xeira de resultados.
A brigada policial para, segundo as investigacións xudiciais e parlamentarias, perseguir rivais do PP e limpar escándalos de corrupción, sae á luz sen consecuencias políticas inmediatas. Unha información de eldiario.es
O Parlamento entrega a súa Medalla a representantes da emigración galega no aniversario da promulgación do Estatuto de Autonomía. Esta homenaxe debe reafirmar "a obriga e o compromiso de seguir creando as condicións para que emigrar sexa só, unha opción voluntaria, nunca unha obriga", afirmou o presidente da Cámara, Miguel Santalices, no seu discurso.
A escritora e xornalista Ana Romaní ingresará este sábado na Real Academia Galega. Será nun pleno extraordinario público da institución dende as 12 do mediodía no Teatro Coliseo Noela, en Noia. Romaní asume a cadeira que quedara vacante tras o falecemento de Xohana Torres. O máis destacado do acto, hoxe en Praza.
A forte sarabiada caída no serán do venres en Santiago causou un accidente múltiple na AP-9 ao seu paso pola capital galega, preto da ligazón coa Cidade da Cultura inaugurada o pasado febreiro. Unha persoa tivo que ser excarcerada do seu vehículo e outras seis resultaron feridas, segundo o 112. En anteriores accidentes ligados á meteoroloxía Audasa tentou culpar os condutores.
Falece aos 79 anos o empresario lucense Jesús Lence, propietario do grupo Leche Río e doutras varias empresas en varios sectores. Era tamén un dos principais accionistas do Club Baloncesto Breogán e patrocinador de varios clubs deportivos galegos.
Dimite o director de Información da Secretaría de Estado de Comunicación, Alberto Pozas, tras ser vinculado co caso Villarejo na súa etapa como director da desaparecida revista Interviú. Pozas formaba parte do gabinete de comunicación máis próximo ao equipo de Pedro Sánchez na Moncloa.
