Rodrigo Romaní, director artístico do Festival Internacional de Arpa Vila de Noia, sinalou que a novena edición ten unha proposta ecléctica cunha ampla diversidade estilística con actuacións gratuítas a ceo aberto e en espazos culturais da vila
O pregón de Carolina Iglesias abriu unhas festas de María Pita que recuperan o formato libre de restricións pola COVID con eventos tradicionais como a Romaría de Santa Margarida, múltiples concertos e actividades culturais e, en paralelo, a trixésimo quinta edición do Festival Noroeste con bandas e artistas como Tanxugueiras e Baiuca
Dez días para celebrar o Apóstolo en Santiago cos concertos de Rocío Márquez e Bronquio, Xisco Feijóo, Grande Amore, Rufus T. Firefly, New York Ska-Jazz Ensemble, Herdeiros da Crus ou a Banda Municipal de Música de Santiago con convidados ilustres
O festival de títeres tradicionais de Rianxo Titiribeira chega á súa sétima edición ampliando o seu programa polas parroquias con compañías galegas, portuguesas e italianas
As comisións de festas e orquestras están a vivir o seu rexurdir este verán, no que tiveron incertezas ata o último momento. As festas parroquiais son de novo masivas, pero ata cando se manterán? A Xunta ten unha solicitude para declaralas patrimonio cultural e inmaterial á que non contestou
O martes a temperatura máxima en Galicia acadouse en Arnoia, con 43,7 graos e este mércores os termómetros volverán roldar os 43 graos en Ourense e superarán os 40 en Monforte, Verín e O Barco. Lugo chegará aos 39 graos, Compostela, Pontevedra e Vilagarcía os 38 e Vigo os 37.
Durante tres días a vila acolleu milleiros de visitantes nunha celebración que trasladou o público asistente aos primeiros anos do século XX e ao tempo da emigración a América e do retorno dos indianos. Lila Downs puxo a música, con múltiples actividades nas rúas e prazas da localidade, engalanadas para a ocasión.
Despois de dous anos de traballo, a ferrolterrá Manuela García Calderón comeza a comercializar Siesta, unha bolsa que permite recostarse sobre ela, pensada especialmente para pasar o día na area ou no campo.
As máximas chegarán en Ourense aos 37 graos o sábado e aos 39 graos o domingo, segundo a previsión de Meteogalicia. Tamén o litoral pontevedrés roldará os 35 graos toda a fin de semana e Compostela, Lugo e Ferrol superarán os 30 graos. A excepción estará na Mariña, por debaixo de 25.
Ortigueira volverá ser a capital do mundo celta do 10 ao 17 de xullo nun festival que aposta pola música de orixe galega coas Tanxugueiras, Luar na Lubre, Baiuca ou Caamaño&Ameixeiras e recibe a bandas de peso internacional como a escocesa Johnstone Pipe Band ou a bretoa Bagad de Vannes Melinerion
Será un día con ceos nubrados e precipitacións máis intensas pola tarde no leste de Galicia; xa contra a noite, estas chuvias afectarán máis ao litoral occidental. Nesta xornada de celebración varios colectivos demandan á poboación civismo e respecto ao medio natural, especialmente nas praias. Ademais, o trío de pandeireteiras publicarán esta medianoite unha nova canción.
O Surfing the Lérez regresa á Illa do Covo de Pontevedra despois de dous anos sen celebrarse por mor da pandemia. Do 23 ao 25 de xuño haberá música en directo, actividades para as crianzas e postos gastronómicos nesta romaría urbana