Sinalan que en oito centros da provincia a Consellaría de Educación xuntou na mesma aula alumnado de varios niveis dando lugar a grupos por riba dos máximos fixados por administración e sindicatos, o que prexudica a estudantes e profesorado. A Xunta nega que se produzan incumprimentos da norma.
O proxecto, impulsado polo Grupo de Desenvolvemento Rural Montes e Vales Orientais, procura "dar resposta á necesidade de vivendas, locais e terras de alugueiro para asentamento de novos poboadores". O sitio web nace con diversas ofertas inmobiliarias e laborais e pon no foco tanto a poboación de orixe galega como "na integración da poboación migrante"
Un contundente 4-0 no partido definitivo da final fronte ao Futsi dá a conxunto mariñao o título de Liga e elévao ao máis alto do palmarés de clubs con máis triunfos nesta competición. O ateigado pavillón de Vista Alegre foi outra volta unha festa para un club que alarga a súa lenda mentres tamén é referencia noutros eidos, coma o laboral
A capital lucense chega a 100.060 habitantes, superando en algo máis de 1.800 o dato oficial de 2023. A alcaldesa Alvarellos aplaude un "fito" que ve alén do estritamente demográfico e identifica cun "éxito das políticas" das "forzas progresistas que formamos o goberno local". Arroxo, tenente da Alcaldía, encádrao no obxectivo de "facer de Lugo un lugar mellor para vivir"
O ministro Puente ratifica 2025 para o remate da nova estación ferroviaria lucense e a Xunta di que prevé asinar "este verán" os contratos da terminal de autobuses. Transportes encádrao nun "cambio substancial" das conexións ferroviarias cando remate a modernización xa en marcha da ligazón a Ourense. O treito Palas-Melide da A-54 abrirá "a finais de ano". Faltarán daquela os 16 quilómetros de Arzúa a Melide, coas obras "ao 50%", segundo o Ministerio
En vésperas das pasadas municipais a Xunta reactivou o proxecto da Rolda Leste de Lugo, cuxo primeiro treito foi construído hai década e media a partir dunha avaliación ambiental de 2004, e agromou a oposición a un proxecto que impactaría de cheo en plena Reserva da Biosfera das Terras do Miño. Infraestruturas admite a influencia das alegacións que "consideraban excesiva a afección ambiental" da obra para decidir que "o máis oportuno" é "unha nova avaliación de impacto ambiental" e deixar "sen efecto" todos os trámites
"Non houbo médico a mañá do luns e tampouco os vai haber o mércores e o venres", detalla a veciñanza que participou no 'colapso' simbólico dos centros de saúde de Folgoso e Seoane do Courel para denunciaren as carencias de atención sanitaria neste Concello da montaña lucense. Mentres, a Xunta asume que este verán volverá faltar persoal médico nos centros de saúde, pero culpa o Estado
Milleiros de persoas chegadas dende todo o país ateigaron Palas de Rei na manifestación contra o proxecto de celulosa. "Ríos para a vida e non para o negocio" foi unha das mensaxes máis repetidas nunha marcha que contou coa participación de entidades veciñais, sociais e ecoloxistas de todo o país.
Dentro do programa Xunt@s da Deputación de Lugo, a residencia de maiores de Navia de Suarna acolleu unha serie de obradoiros para aprender a manexarse cos smartphones e as tablets que os residentes teñen ao seu dispor no centro. Falamos con Ana, Luis e Maribel, tres dos residentes que asistiron a este taller
"O noso tecido socioeconómico, que resultou ser un modelo exitoso de fixación de poboación e de cohesión territorial, está en perigo", sinalan as impulsoras do manifesto, que subliñan o seu papel fronte á crise climática. Empresas como Pazo de Vilane, Milhulloa ou Arqueixal, fornos de pan da contorna ou as denominacións de orixe Arzúa-Ulloa e Queixo de Tetilla apoian o
O martes que cheguei a Navia de Suarna ía encherse a lúa. A actividade no campo era intensa. Todo o mundo se preparaba porque ao día seguinte, xa no minguante, comezarían a plantar as patacas. Marifé Pérez Arias déixanos acompañala nun día máis na aldea de Vilaverde, onde toda a veciñanza bota as patacas en comunidade