RDG, empresa impulsada polo Goberno galego para explotar recursos naturais, merca ao Sabadell por 75 millóns 11 aeroxeradores en Trabada. A veciñanza máis próxima será beneficiada segundo cal sexa a súa comercializadora de electricidade.
A empresa solicita a ampliación outros seis metros máis do depósito de residuos perigosos de Xove logo de que a Xunta autorizase elevar a cota ata os 104 metros en febreiro do pasado ano.
O temporal dos últimos días provocou a derruba de parte do lenzo interior da Muralla de Lugo na noite deste sábado, á altura da rúa do Moucho, entre as portas de Santiago e do Carme. Hai 24 anos que non se produce un derrubamento destas características no monumento romano
No ano 1992 a veciñanza da Fonsagrada saíu á rúa a protestar, nunha longa e intensa mobilización coñecida como As Movidas. O documental 360 curvas , dirixido por Alejandro Gándara Porteiro e Ariadna Silva Fernández, recupera esa loita e consegue traela ata o presente e conectala con outras mobilizacións. Falamos con eles
Este sábado preséntase en Palas de Rei unha acción artística colectiva ligada á mobilización social na comarca contra a macrocelulosa. Realizada co apoio de Concomitentes e mediada por Ana Moure e Ana Escariz, con quen falamos, é unha reivindicación dos valores do medio natural e dos saberes da comunidade e busca, ademais, "celebrar as vitorias" do movemento.
Ao longo de todo o mes de febreiro e ata o 21 de marzo proxectaranse nos Cines Códax de Lugo todos os filmes finalistas nos Mestre Mateo e haberá coloquios cos equipos que os fixeron posible. A Academia Galega do Audiovisual incrementa a participación do público en todas as actividades que celebran a creación audiovisual do país
A veciñanza volveu coller cartolinas e rotuladores para escribir pancartas con mensaxes inspiradas naquela época. A estrea oficial terá lugar este xoves 29 de xaneiro na Filmoteca de Galicia, na Coruña. A película poderá verse tamén o sábado 31 en Numax (Santiago) e o domingo 1 de febreiro nos cines Codex (Lugo).
A Asociación para a Recuperación da Memoria Histórica instala 'storpersteine' para homenaxear sete veciños do Corgo, Outeiro de Rei, O Incio e As Nogais. Todos estaban exiliados en Francia cando foron capturados e internados en campos de exterminio. Só un sobreviviu.
A empresa de Palas de Rei, que produce fariñas e graxas a partir de larvas de mosca soldado negra, lidera un proxecto da UE cun orzamento de máis de 3,6 millóns de euros para acadar un sistema intelixente que optimice a cría do insecto. Hai tres anos a compañía puxo en marcha a súa fábrica na Ulloa cun investimento de 22 millóns de euros, que hai uns meses incrementou en 100 millóns máis.
Socialistas e nacionalistas tiveron que optar entre manteren a Deputación lucense dependendo de Tomé ou faceren oposición a un gabinete do PP dependente de Tomé. A nova presidenta gaña de vez o rango de valor á alza no PSdeG e terá que espremer a fondo a boa sona política que a acompaña dende Burela para tentar seguir no posto alén das eleccións municipais de 2027
O ente supervisor do mercado valida a operación a cambio de que o Hospital Polusa, de Ribera Salud, limite as tarifas das resonancias magnéticas ao IPC durante tres anos e realice investimentos en Clínica Gaias Lugo
A xuíza "non dubida do testemuño das denunciantes" e mantén que os feitos son delito, pero non acha probas contra o único imputado nin logra identificar outros posibles culpables tras múltiplas dilixencias. A "solicitude de asistencia xudicial internacional" aos EUA resultou "infrutuosa", o mesmo que os intentos para que as webs que difundiron os vídeos colaborasen na identificación das persoas que os subiron