Lugo

O documental dirixido por Alejandro Gándara Porteiro e Ariadna Silva Fernández recupera as protestas veciñais de comezos dos 90, que incluíron concentracións, peches, folgas xerais e mesmo unha gran manifestación en Santiago ante a sede da Xunta. A longametraxe estréase o 20 de novembro no Festival de Xixón e o 23 de novembro en Cineuropa e no Festival Cormorán da Coruña.

"Falar con Cacharro" significou todo durante décadas en Lugo porque o poder personificado era o presidente da Deputación. Gran facedor para uns, cacique para outros, só cedeu o bastón de mando cando o obrigaron as confabulacións dun PP que despois perdeu a institución, afastouno e o deixou só, pero que agora o homenaxea no décimo aniversario da súa morte nun acto encabezado por Rueda no que dan por saldada a "débeda" sen "rancor"

"Con cargo ao orzamento" turístico do Goberno galego Candia "vai repartindo cartos a destro e sinistro polas parroquias", asegura a socialista Lara Méndez,  que cuestiona a intención política de achegas como "unha festa de disfraces" que "organiza unha panadería do ámbito familiar dunha persoa que foi nas listas" do PP lucense ou "unha orquestra para as festas dunha parroquia" a través "dunha consultora de enxeñaría"

ADEGA e Mariña Patrimonio denuncian que os movementos de terra se están a desenvolver dentro da contorna de protección arqueolóxica e estarían a causar "danos directos" na antiga mina romana sobre unha canle de evacuación identificada e documentada en estudos arqueolóxicos.

A compañía portuguesa avanzou a súa intención de recorrer despois de que o Estado deixase o seu proxecto en Palas fóra da planificación eléctrica ata 2030. "Defendemos a industria, pero a que crea emprego de calidade e respecta o noso medio natural", sinala o líder do PSdeG durante unha visita á cooperativa Milhulloa

Lugo evoca o encontro de "visionarios" que, hai agora un século, se xuntaron na cidade para abordar melloras agrarias, gandeiras, industriais e políticas para Galicia. Relatorios sobre galeguismo empresarial, a economía galega actual ou a innovación no agro e a gandaría centraron un acto de recordo que tamén serviu para homenaxear a figura do empresario e filántropo galeguista Álvaro Gil

O alcalde lucense presenta o Plan Municipal de Vivenda, con accións como descontar o 95% do tributo de bens inmobles ás persoas propietarias que inclúan os seus pisos baleiros na Bolsa Municipal de Alugueiro Accesible, que o Concello ofertará "por baixo do prezo do mercado". O proxecto inclúe mercar vivendas para rehabilitar e alugar, novo solo urbanizable con reservas mínimas do 40% para pisos protexidos e limitar os pisos turísticos a baixos, primeiros andares ou edificios de uso exclusivo

Tras perder a apertada pugna electoral polo Concello e a Deputación en 2023, o PP multiplicou os movementos para tentar logralos en 2027. Un dos múltiplos terreos desta batalla é a do asociacionismo veciñal, co nacemento de colectivos afíns aos populares fronte á Federación Lucus Augusti, máis afín aos socialistas

En 1985 deu ao prelo unha obra para público xuvenil que relataba a vida dun "profesor de chairego e debuxante de soños por encarga" e que se converteu nun fenómeno editorial e literario. A obra virou nun best seller e concedeulle ao seu autor -e ao conxunto da literatura infantoxuvenil galega- un notable recoñecemento e proxección. Este mércores Paco Martín (e Ramón Lamote) foi homenaxeado en Lugo.