O Supremo ratifica que o Ministerio de Defensa expulse o axente, condenado en firme por violencia habitual e ameazas continuadas, polo "claro prexuízo ao crédito e prestixio do que goza a institución"
Segundo a investigación xudicial o ministro aloxouse en Lugo varios días e o investigado entregoulle diversas contías para que mercase produtos da súa empresa
"A Xunta carga os concellos de competencias que non lles corresponden e despois dá caramelos a quen queren arrimar ao PP", advirte a vicesecretaria xeral do PSdeG en Lugo. A tamén alcaldesa de Antas e voceira socialista do goberno da Deputación lucense atribúe movementos coma o pacto do PP co alcalde de Sarria ou a anterior moción de censura en Viveiro a que Elena Candia, líder provincial dos populares, se "sente presionada porque onde vai non acaba de consolidar": "Pode facer facer as compras na feira na que está metida, pero se cadra compras que parecen boas non lle dan resultado", ironiza
"Non se paraba co fume, tiñamos que poñernos de xeonllos na bodega para poder respirar", relata Silvia Buján, unha das veciñas da aldea de Budián que quedou cercada polo lume de Pantón. "Non morreu ninguén porque tivemos sorte", conta Roi López. Neste incendio que arrasou parte de ribeira do río Cabe, no corazón da Ribeira Sacra, arderon 1.805 hectáreas e queimáronse nove vivendas
Un amplo menú musical de balde volve combinarse nas patronais lucenses co seu particular carácter, combinación de festa urbana e feira popular do 4 ao 12 de outubro
Zarandela, unha formación inédita composta por catro intérpretes moi novos que nace no seo da Tradescola, presentarase este martes 7 de outubro no San Froilán no denominado Escenario Zanfona (na Praza de Santa María), que "reafirma a vontade de Lugo de ser recoñecida como capital europea da zanfona"
O que fora rexedor sarriao polo PSdeG, no cargo con Camiña Sarria dende 2019, asina co PP quince promesas de investimentos da Xunta e anuncia ao tempo que o seu partido "dá por finalizado o ciclo político" e non volverá presentarse. O pacto ten obvia lectura provincial, onde Sarria se encadra no transcendental partido xudicial de Lugo, e é sinalado como "a maior bazofia política" polos socialistas, que o atribúen a "problemas persoais do alcalde" e "ambicións" da líder provincial do PP, Elena Candia
Apenas dez días despois de apareceren coa lenda "rojos de mierda", as instalacións dos socialistas na capital lucense sofren novas pintadas con insultos e mensaxes a prol de Vox e da Falange. "Estamos ante unha escalada intolerable de violencia política e de odio que non só pretende agredir o PSOE", senón "poñer en cuestión os principios básicos da democracia, a convivencia e a liberdade de expresión", denuncian
O IES Lucus Augusti custodia unha copia da primeira edición da Carta Xeométrica cedida pola institución provincial. Persoal de restauración do Museo Provincial examínaa e detecta unha capa de po. Profesorado do centro mobilizouse hai poucos días para denunciar que as obras volvesen obstaculizar o inicio do curso: "Están mentindo, non concluíron"
Medio Rural deu o lume por controlado este martes, cando arderan unhas 140 hectáreas. O traballador máis afectado ten a cuarta parte do corpo queimada e padece ademais unha intoxicación por fume
O Bloque presentará iniciativas no Parlamento para reclamar aos medios públicos que negocien a adquisición dos dereitos dos encontros do único equipo galego na ACB. TV3 retransmitirá un con represetación catalá cada xornada e TVE outro en aberto, mentres as televisións vasca e canaria negocian tamén un acordo coa liga de básquet.