Nun comunicado conxunto as forzas que sustentan o goberno lucense cuestionan a convocatoria en comisión de servizo da Xefatura de Litoral na provincia requirindo un "perfil formativo e profesional requirido para o posto coincida de maneira significativa co currículo dunha edila transfuga"
Besteiro pregúntase "que ética hai nun político que mira unha familia en loito e di 'esta é a miña oportunidade'"
A Lei de Bases de Réxime Local impide que os "dereitos económicos e políticos" dos edís non adscritos como Reigosa sexan "superiores aos que lles corresponderían se permanecesen no grupo de procedencia". O ditame do Tribunal Superior que invalidou os cargos e soldos dos tránsfugas de Sada, subliñan fontes xurídicas, evidencia que se a ex-socialista opta polo transfuguismo para investir a Candia non podería ser membro do gabinete que forme o PP, como reclama
O presidente dos populares galegos deixa a decisión final en mans do PP local e de "os concelleiros e concelleiras que teñen capacidade de asinala"
María Reigosa admite negociacións co grupo de Elena Candia, sinala en declaracións a La Voz de Galicia a posible censura como "oportunidade" e matiza despois en 'El Progreso' que "non sei se me vou atrever". Trinta e un anos despois da última ocasión en que o PP obtivo nas urnas maioría para gobernar Lugo, Reigosa valora entregarlles o bastón de mando a un ano das eleccións nun mandato marcado por tres falecementos na parte socialista do goberno local
O Burela FS consumou este sábado o seu descenso, despois de 17 tempadas na máxima categoría do fútbol sala nas que gañou 6 ligas, 7 copas, dous trofeos continentais e nas que foi considerado dous anos como o mellor equipo do planeta. A quebra de Pescados Rubén a finais de 2024 deixou á entidade sen recursos económicos cos que competir ao máximo nivel.
Expertas en estudos de xénero, o papel científico das mulleres, psicoloxía, dereito ou intelixencia artificial, protagonistas nas Xornadas Feministas=Igualdade da Deputación lucense, que volveron poñer o foco na poboación adolescente
A antiga Troco, referente de lecer nocturno nos 90, esvaece de vez coa transformación do noutrora emblemático hotel Villamartín nun centro residencial e de día para a terceira idade promovido pola empresa Rosalba Gestión. O Concello vilalbés liga o apoio municipal ao proxecto á "falta de implicación da Xunta" para abrir no municipio unha residencia pública e insta o Goberno galego a ofrecer prazas concertadas na privada que abrirá no antigo hotel
A recentemente renovada LU-P-30303 é parte da rede provincial de estradas da Deputación de Lugo, a máis extensa do Estado con máis de 4.000 quilómetros
A antiga prisión lucense pasou de referencia nos avances no tratamento das poboación reclusa a finais do século XIX a espazo de terror tras o golpe de 1936, se converteu "nun dos principais lugares de represión política en Galicia", salienta o Goberno de España, onde unhas 5.000 persoas padeceron "situacións de extrema dureza con persecución, torturas e condicións inhumanas". Dende hai unha década funciona, rehabilitada, como centro de memoria e cultura do Concello
A concelleira de Cohesión Social do goberno lucense faleceu aos 55 anos por mor do cancro de mama que padecía. O PSdeG lucense manifesta "desolación" pola perda de quen "coidou de todos ata que o corpo xa non a deixou", salienta Besteiro. "Nun ano moi duro, no que tamén marcharon Paula e Pablo, esta perda dóenos especialmente", lamenta o alcalde, Miguel Fernández, en referencia aos pasamentos da rexedora Alvarellos e do concelleiro Permuy
Vinte e sete anos de maiorías progresistas perigan nun Concello de Lugo que vive a Semana Santa marcado por unha tentación: a dunha moción de censura do PP da man dunha posible tránsfuga que nunca podería ter oportunidade de selo se non fose por unha concatenación de fatalidades alleas á política