O PP esixe dimisións en Ourense, con 7 imputacións para tres edís, mentres defende a continuidade do seu gabinete en Compostela, onde 10 dos 13 membros do equipo de goberno teñen contas pendentes coa Xustiza. Analizamos as semellanzas e diferenzas de ambos casos.
Os mariñeiros do cerco abandonan a xuntanza co Goberno galego ao participar nela a conselleira Rosa Quintana, a quen xa non consideran interlocutora válida por denominalos "vándalos" e "tolos". O sector galego duplica o cupo de xarda pero mantén as protestas polo reparto.
O presidente da Xunta cuestiona os argumentos da xuíza e da Fiscalía para imputar sete edís composteláns por presunta prevaricación e vólvelle pedir explicacións á oposición. Ao tempo, teima en que PSdeG e BNG aprobaron pagarlle o avogado a un edil socialista imputado, aínda que no documento non figura pagamento ningún.
Os mariñeiros do cerco conseguen que a Xunta os reciba e defenderán nunha reunión con Rueda o reparto liñal das cotas para todas as especies. Mentres, Feijóo responsabiliza a Zapatero do conflito da frota galega.
O presidente da Conferencia Episcopal marcha e pon punto final a unha etapa marcada polo seu poder absoluto. O cardeal galego identificou plenamente a Igrexa coa dereita e impuxo o centralismo, un modelo familiar único e unha visión catastrofista da sociedade.
A policía carga con dureza contra a manifestación dos mariñeiros do cerco. A presidenta do Parlamento dá en suspender o pleno despois de que a oposición renunciase a intervir nel. Haberá ampliación. Galería de imaxes no interior.
O Congreso toma en consideración unha proposta da Cámara galega de 2008 para que sexa o "punto de apoio" para revisar a lei electoral reformada hai tres anos e que instaurou o voto rogado que agora só defende o BNG, que quedou só na defensa da normativa actual.
O Parlamento aproba por unanimidade a ILP Paz Andrade, que compromete a Xunta a incorporar "progresivamente" o portugués no sistema educativo e a afondar nas relacións con Portugal e os demais territorios lusófonos.
Os conservadores consideran "frívolo" recorrer ao TC malia facelo reiteradamente dende a oposición aos socialistas. PSdeG, AGE e BNG alertan da deriva "privatizadora e centralizadora" do novo modelo de administración local.
A Xunta diserta sobre as bondades da auga, os ríos e a costa galega para responder a unha pregunta parlamentaria sobre a mostra Auga Doce, á que Turismo de Galicia xa achegou máis de 600.000 euros.