Os populares din abertamente que as comparecencias facilitarán "que se poidan sacar unhas conclusións claras e rotundas sobre o bo facer dos gobernos do Partido Popular na Xunta”.
No cemiterio do Val "seguen a aparecer indicios que apoian a hipótese da localización da fosa", onde o equipo coordinado polo grupo de investigación Histagra da USC estudará se é tecnicamente posible exhumar os restos das vítimas, para o que cumprirían as autorizacións das familias. O Goberno de España vén de encomendar a Histagra elaborar o primeiro censo estatal de vítimas do franquismo, unificando coa súa metodoloxía os diversos censos existentes no Estado
Unha portavoz autorizada do líder popular di que se repuxo unha porta entre a praia e o terreo público pechado xunto coa propiedade privada porque o vento deteriorara a anterior, pero nega que se estea a empregar ese espazo
O comité dos medios públicos solicita a intervención do máximo órgano extraxudicial galego para dirimir conflitos no eido do traballo despois de que a dirección da corporación se "negase" a "abrir o diálogo" cos folguistas, que reciben novos apoios e lanzan un simbólico SOS dende a praia coruñesa de Riazor para tentar "rachar co cerco mediático que impide que a poboación galega reciba información sobre a existencia deste conflito"
Pontón afea que a Xunta rescate autovías pero non o hospital de Vigo e Rueda escúdase na calidade dos profesionais sanitarios. Besteiro insta a creación dun banco público de alugueiro de vivendas e o presidente replica: "faremos moitísimas cousas".
O servizo provincial constata "a imposibilidade física de acceder a unha porción de 210 metros cadrados de dominio público" situados entre o mar e a propiedade na que adoita descansar o ex-presidente e actual líder do PP
O TC atende parcialmente o recurso de Vox contra a modificación da lei de saúde impulsada polo PP galego en 2021, que tamén dera lugar a un contencioso da Xunta co Goberno de España que finalizara cun acordo. O tribunal argumenta que a lei galega incluíu restricións a liberdades como circulación ou reunión que só poden ser aplicadas mediante lei orgánica aprobada nas Cortes e non coa lexislación autonómica
A lexislación vixente establece que a comunidade autónoma é a competente en materia de emerxencias. Só na emerxencia de nivel tres, que declara o ministerio do Interior motu proprio ou a petición da autonomía, a dirección do operativo pasa ao Goberno de España
"E chamábannos asasinos". A mobilización social pola xestión do naufraxio en 2002 ficaron na memoria do PP cun aquel de trauma político que, dende aquela, moitos dirixentes tiveron vontade de devolverlle á esquerda en canto puidesen. Un dos que albergou esa vontade foi, paradoxalmente, un dos máis beneficiados polos efectos políticos do acontecido daquela: Alberto Núñez Feijóo, cuxo discurso ante as riadas de València ten ecos na súa estratexia fronte ao Goberno de coalición PSdeG-BNG durante a vaga de incendios de 2006, cando o PP lanzou a plataforma 'Sós contra o lume'
O líder do PSdeG visita o reinicio dos traballos na foxa común do Val, en Narón, escenario dun dos maiores asasinatos colectivos dos golpistas en Galicia e onde o equipo liderado polo grupo de investigación Histagra traballa grazas aos fondos do Plan Cuadrienal de Memoria Democrática. Os fondos do Goberno de España que a Xunta transfire á USC para os traballos de memoria democrática sitúanse na partida de difusión cultural pola inexistencia dunha específica, que os socialistas reclaman crear aproveitando o trámite das contas de 2025
