Política

O PP concreta nas súas emendas ás contas da Xunta a nova bonificación dun máximo do 15% no canon que Sogama cobra aos concellos, anunciada por Rueda tras a cancelación do desconto do 10% que levaba tres anos en vigor. Manterá as condicións da anterior sobre incentivar a reciclaxe e trasladar o desconto ao recibo da veciñanza e ademais engade a obriga de instalar o contedor marrón antes da fin de 2023

O alto tribunal admite a trámite un recurso da plataforma de vítimas que o levará a analizar tamén en xeral “a posición xurídica dos afectados en accidentes” ante as investigacións oficiais de sinistros

O Goberno galego fixo que as universidades nomeasen representantes pero en 2016 mudou a normativa para só convocar os expertos “sempre que a continxencia o requira” ou “se cómpre”, algo que el mesmo decide

Pontón (BNG) esixe "rectificar o despropósito", que ve produto de "trece anos de política de recortes" e lembra a súa proposta de inxectar 200 millóns extra en Atención Primaria. Formoso (PSdeG) censura que Rueda e Comesaña volvan poñer o foco na falta de prazas MIR, que "o Goberno de Pedro Sánchez aumentou un 30%": "Os profesionais marchan ao acabar a formación polas condicións laborais"

"Reto a que se diga quen dixo que non ía haber médicos no PAC", di o conselleiro de Sanidade, que encadra a formación do persoal de enfermaría na área de Pontevedra nun contexto "rutineiro" e atribúe a controversia ao "interese" de "algúns" por "contaxiar" a Galicia o conflito sanitario de Madrid

Varios tribunais, entre eles o TSXG, revisan condenas contra delincuentes sexuais e os castigados coas penas no seu grao mínimo benefícianse da nova lexislación. Igualdade atribúe as decisións a unha feble formación de xuíces e fiscais e os seus socios de Goberno apostan por "estudar as sentenzas e o texto legal". Xuristas admiten que a nova lexislación xera dúbidas, pero tamén apostan por abordala dun xeito global e aplicar con maior precisión preceptos como o do consentimento

Ana Miranda, eurodeputada do BNG, xunta en Bruxelas activistas e profesionais galegos con voces expertas internacionais polo vixésimo aniversario do Prestige. Jacob Terling, da Unidade de Seguridade Marítima da Comisión Europea, lembra que a catástrofe do Prestige foi clave para avances como o veto dos petroleiros monocasco ou o endurecemento dos controis aos buques

A secretaria do Consello de Administración de Adif di que Cortabitarte, que se defendera dicindo que só aplicara as normas, non tiña capacidade para cambialas, pero o avogado do maquinista amosa probas de que si mudara outras

Algunhas das 'Cestas Benvida' entregadas a familias tras naceren os seus bebés seguen incluíndo unha carta asinada polo agora líder do PP. Política Social sinala que "as cartas que acompañan a Cesta Benvida foron modificadas" tras a marcha do ex-presidente, pero admite que "nalgún hospital" pode "quedar algunha das elaboradas con anterioridade"

A diferenza do que fixeron expertos que non traballan para a empresa pública xestora das liñas, un cargo e un técnico que aínda son empregados dela apuntan á operadora dos trens, que non ten ningún acusado no xuízo aparte do maquinista e está a intervir na vista menos que outras partes

A investigación preliminar do derrubamento di que se debeu a unha “concomitancia de varios efectos” que foron deteriorando o formigón

O Tribunal Superior conclúe que o Goberno galego denegou a Norvento a tramitación do parque por "solapamento" con outros sen "xustificación documental nin técnica" e apoiándose só no seu Rexistro Eólico, que "non permite sequera a identificación administrativa" das instalacións, no canto de manexar todos os datos precisos