Política

Os populares, tanto con Casado como con Feijóo, emendaron a Lei de Memoria Democrática para, entre outros aspectos, pedir a supresión do artigo que anula os títulos nobiliarios concedidos pola ditadura. O ex-presidente votou a prol da emenda como senador por designación do Parlamento, igual que os senadores populares electos polas circunscricións galegas, mentres que os do PSdeG votaron en contra e apoiaron a lei

Ás Cercanías xa existentes nunha ducia de cidades, varias das cales as verán melloradas, sumaranse agora novos servizos en Valladolid e Córdoba mentres o Eixo Atlántico galego queda como a área máis poboada sen melloras

O avogado de Francisco Garzón evidencia eivas na súa formación por parte de Renfe e critica que non se tivese en conta o risco previsible de erro humano que hai na condución dun tren. No accidente do Metro de València, os condenados incumpriran a obriga da lei de prevención de riscos laborais de que “as medidas preventivas deberán prever as distraccións ou imprudencias non temerarias que puidera cometer o traballador”

O montante de investimento previsto en Galicia nos Orzamentos Xerais de 2023 supón apenas 3 millóns máis que en 2022. A autovía A-54 segue sendo a principal obra estatal en territorio galego e, unha vez concluída a conexión por alta velocidade coa Meseta agás a variante de Ourense, o groso do investimento ferroviario vai á liña convencional. Alén dos investimentos, as contas contemplan case 70 millóns para bonificar peaxes da AP-9

José Luis Mira Lema ocupou diversos cargos con Fraga e Aznar e era secretario xeral de Educación ata que en maio Rueda o rebaixou a director xeral, posto no que tiña como segundo a un fillo

O rexedor foi convidado ao cumio na Coruña logo da insistencia de Scholz lembrando o seu paso pola localidade hai 40 anos para estudar español. Regaloulle varios obsequios, convidouno a volver e proporá que sexa declarado fillo adoptivo. 

As viaxes previas á habilitación de Garzón para a liña Ourense-Santiago fíxoas pola vía paralela á do accidente, máis segura, e non recibiu advertencias tras a alerta sobre a curva que outro maquinista lanzou ano e medio antes do accidente. O outro acusado, ex-xefe de seguridade de Adif adiou a súa declaración ata o próximo xoves "afectado" polo intento de agresión que sufriu este mércores polo pai dunha moza morta en Angrois

Os gobernos de España e Alemaña insistiron na Coruña na alianza para impulsar o gasoduto Midcat e apremar a Francia, que se opón á iniciativa. "Estudarémolo", dixo Sánchez sobre o convite alemán a unirse ao seu escudo antimísiles nunha tarde de forte despregamento policial no centro da cidade na que a alcaldesa Inés Rey aproveitou para formular diversas peticións ao Estado en clave local

Praza.gal solicitou ao abeiro da Lei de Transparencia os datos da enquisa sobre fusións municipais da que a Xunta publicitara algunhas cifras. Tras dous recursos, o Goberno di que só ten parte dos datos mentres a Fundación que fixo o inquérito completa un traballo máis amplo e só revela as "principais conclusións", como que o apoio ás fusións cae ao 56% se implican ao propio concello ou que "a poboación se identifica primeiro con Galicia, seguida da aldea ou vila de residencia e o barrio"

A maxistrada desbota todo tipo de queixas que demorarían unha vista cuxa primeira xornada comezou co maquinista exposto ás cámaras e rematou co ex-cargo de Adif protexido das vítimas pola policía

Os desafiuzamentos seguen multiplicando practicamente por 15 os novos casos de ocupacións en Galicia. Mentres o Poder Xudicial difunde estes datos, Rueda axita no Parlamento a pantasma da ocupación en resposta a Pontón (BNG), que lle reclama máis investimento en "políticas sociais de vivenda". O presidente defende medidas como a previsión de 1.200 novas vivendas protexidas e asegura sen citar dato ningún que moitas persoas "teñen unha vivenda que non usan e non se atreven a poñela en aluguer" por se llela ocupan. 

O comité intercentros e máis de 30 organizacións políticas, sindicais e sociais convocan unha marcha o 6 de novembro en Compostela "por unha CRTVG ao servizo do pobo" e piden á cidadanía que "saia ao rescate dos seus medios".