8M 2019

Esta pequena localidade de Nogueira de Ramuín acolleu o pasado venres unha marcha pioneira pola igualdade onde se xuntaron persoas de entre 14 e 90 anos e rematou na única taberna do lugar: "As mulleres do rural tamén poden ir ao bar”. Falamos cunha das impulsoras. 

Tres activistas feministas, parte do movemento Galegas 8M, fan balance da histórica xornada do pasado venres, que aseguran que "desbordou as previsións" e suporá "un punto de inflexión". "Demostrouse que non é algo puntual, a nosa mensaxe callou", din.

O movemento feminista volve sacar ducias de milleiros de persoas ás rúas de vilas e cidades galegas "por todas as mulleres, por todos os dereitos", nunha xornada marcada pola diversidade e a unidade contra o machismo

Pilar Fernández, unha muller que se move en cadeira de rodas, foi a gran protagonista na manifestación celebrada na vila lucense. Leva 6 anos denunciando sen éxito que unha barreira arquitectónica creada por unhas obras do Concello lle impide saír da súa casa sen axuda

A CIG destaca que "milleiros de mulleres secundan o paro" e destaca o elevado impacto en sectores da administración pública autonómica, onde a Xunta reduce o seguimento a menos do 12%

Un xulgado de Ourense ordena que os días dos que dispuxo a nai para atender o pequeno “sexan considerados como de permiso para o cumprimento de deberes relacionados coa conciliación da vida familiar e laboral” logo de que a entidade da Xunta non llos concedese

A folga no sector da Xustiza fixera descender o seu número nos dous primeiros trimestres, pero na segunda metade do ano a cifra disparouse. Tamén acadan un récord das ordes de protección solicitadas e adoptadas e as condenas por violencia machista

A medida aplicarase en todas as liñas interurbanas de 22 a 7 horas. Mulleres, menores de idade e persoas xubiladas que viaxen soas poderán solicitar que o autobús se deteña en calquera punto do percorrido. Vigo e A Coruña puxeron en marcha esta medida e tamén Compostela iniciou nos autobuses urbanos un protocolo contra as violencias machistas

Este 8M a manifestación feminista da Coruña rematará non por casualidade na Praza das Cigarreiras, a carón da antiga Fábrica de Tabacos. A historiadora Ana Romero ofreceu este xoves unha conferencia sobre estas mulleres, que durante décadas constituíron a principal industria da cidade

"Ata que non entremos realmente na democratización real dos fogares e da vida cotiá, e nun reparto igualitario da asunción de responsabilidades, non se solucionará a fenda laboral de xénero", explica a economista Carmen Castro

A xornada de folga e numerosas mobilizacións feministas convocadas para este 8M reclaman medidas concretas contra a desigualdade de xénero en todos os ámbitos da vida, dende o traballo remunerado ata o dos coidados, e mudanzas sociais profundas para a fin das agresións machistas