Adianta que o Goberno central denega a subestación que a empresa portuguesa demandaba para o seu proxecto de Palas e que queda fóra tamén da planificación eléctrica estatal. A negativa, tras quedar sen axudas do Perte e da UE, supón para o líder socialista un non "definitivo" á iniciativa.
O responsable de Avaliación Ambiental pasa de exercer o posto en comisión de servizos a facelo "con carácter definitivo" por libre designación, o que propiciará que consolide o nivel máis alto na carreira funcionarial
O BNG di que o peche da empresa público-privada supón un "borrado de probas" tras deixar como legado a "bomba ambiental" de Altri e para o PSdeG a decisión "pola porta de atrás e en vacacións" demostra o "fracaso absoluto" da política industrial do PP
Impulsa Galicia, participada tamén por Abanca, Sogama e Reganosa, leva tempo no foco do Consello de Contas, que lle vén pedindo transparencia, pero agora os seus socios péchana "tras cumprir o seu propósito fundacional"
Os socialistas van solicitar "un por un" todos os expedientes relacionados coa actividade da Sociedade Impulsa, participada polo Goberno galego nun 48,2% e da que xurdiu a iniciativa para a instalación da planta prevista en Palas de Rei. A través da deputada Patricia Iglesias alerta de "irregularidades e prácticas cuestionables" e demanda unha "estratexia contra a corrupción" na xestión da Xunta.
A Xunta alega agora para non amosar o acordo secreto con Altri que a presidencia de Impulsa Galicia é unha condición distinta á de titular da consellería de Economía aínda que ese cargo no Goberno galego implique automaticamente encabezar a sociedade que pactou coa empresa portuguesa
O vindeiro sábado 12 de xullo Leboreiro (Melide) acollerá a presentación dun 'Manifesto pola Defensa do Territorio' lanzado por profesionais de distintas discuplinas. No encontro participarán colectivos sociais contrarios á instalación da celulosa na Ulloa. O texto fai unha "defensa do ben común fronte ao extractivismo"
O Goberno galego vén de agregar como xustificación para non amosar o acordo coa empresa portuguesa que o ex-conselleiro Conde o asinou como "negocio xurídico privado". "É lamentable poñer esa xustificación", di o secretario xeral do PSdeG para reclamar "amosar a todo o mundo que tipo de acordo secreto ten Altri co PP, con Rueda e coa Xunta"
O Goberno galego escúdase en que o documento foi asinado por Francisco Conde como presidente dunha empresa privada, Impulsa Galicia, malia que foi creada pola Xunta e o Consello de Contas pide máis transparencia para esta sociedade fundada canda Abanca e outras compañías
Milleiros de persoas saíron este domingo á rúa para reclamar a paralización do proxecto da fábrica de celulosa de Altri na Ulloa e a saída de Ence de Lourizán. A manifestación partiu simultaneamente desde as alamedas de Pontevedra e Marín ao mediodía para confluír aos pés das instalacións da pasteira de Ence na ría, onde se leu un manifesto que chamou a “recuperar o futuro para Galicia coa saída de Ence da ría e a paralización do proxecto de Altri”.
A empresa fundada pola familia Varela-Portas rolda os 90 postos de traballo e pon no mercado uns cinco millóns de ducias de ovos campeiros ao ano. "Inexplicablemente, esta riqueza e este emprego, este rural vivo e activo, está ameazado pola teima do PP en impoñer Altri", di a portavoz nacional do Bloque para animar a participar este domingo na "marcha contra as macrocelulosas" en Pontevedra