Altri

O alcalde de Foz acusa o Goberno galego de utilizar a comarca cun "claro interese electoralista" tras descartarse a localización da fábrica de fibras téxtiles na Mariña e augura que co proxecto ocorrerá igual que coas promesas incumpridas tras o acordo do Executivo coa petroleira mexicana. 

Altri decide erguer na Ulloa a planta que opta a fondos europeos Next Generation menos de tres meses despois de que o Goberno galego e o Parlamento instasen a que se emprazase "preferentemente" no norte da provincia. A Mancomunidade mariñá amosa a súa "profunda indignación" e acusa o Executivo de "desprezo".