As Letras de Luísa Villalta

Na data do aniversario de Luísa Villalta, este luns 15 de xullo, no que faría 67 anos, preséntase na Coruña a nova edición do Papagaio no Circo de Artesáns ás 19.30 horas coa autora das fotografías, Maribel Longueira, a poeta e autora do limiar, Eva Veiga, e o escritor Francisco Xosé Fernández Naval. A Agrupación Cultural Alexandre Bóveda e a editorial Kalandraka organizan o acto, que contará coa música en directo de César Morán e unha lectura poética á que se sumarán a directora editorial de Kalandraka, Manuela Rodríguez, e as poetas Marica Campo e Miguel Anxo Fernán-Vello

"A magnitude desta celebración das Letras dános a oportunidade de que máis xente coñeza a Luísa, o que fixo e a súa filosofía de vida. Isto vén sendo como se dixeras: o que non puido facer ela, podemos axudala a facelo agora nós", conta Susana Villalta

O músico e mestre, que este ano publicou Somos un pobo de artistas seguindo o ronsel aberto por O outro lado da música e da poesía, de Villalta, chama a "superar complexos de superioridade e vellos prexuízos académicos" e a procurar "un reencontro didáctico", subliñando que non se pode entender a literatura galega sen música

O acto central do Día das Letras, no Teatro Rosalía de Castro da Coruña, contou coas intervencións de Ana Romaní, Margarita Ledo, Euloxio R. Ruibal e Víctor Freixanes, presidente da RAG, que reivindicaron a condición de Luísa Villalta de "intelectual en toda a súa amplitude", unha autora “que se transforma e nos transforma” dende o “profundo e esixente edificio literario” que construíu, como subliñou Romaní

Falamos coa xornalista Montse Dopico sobre a biografía Abonda con vivir (Xerais), na que afonda na complexidade da homenaxeada nas Letras Galegas a través das voces de decenas de persoas que a coñeceron ben e que compoñen un retrato sobre os distintos ámbitos nos que a autora desenvolveu a súa actividade e a súa vida.

O alumnado do instituto Xosé Neira Vilas de Oleiros, onde traballaba como mestra Luísa Villalta mentres escribía o poemario En Concreto, está moi implicado na celebración das Letras deste ano porque lle está a permitir relacionarse coa autora a través da súa obra, na que recoñecen lugares, nomes e sensacións

Este ano estamos a seguir os pasos de Luísa Villalta. Dramaturga, narradora, ensaísta, filóloga, violinista, profesora e poeta. A artista coruñesa homenaxeada no Día das Letras pola Real Academia Galega ten tantas facetas que adentrarse na súa obra é toda unha aventura. Neste episodio do Fálase contamos coas escritoras e mestras Beatriz Maceda e Eli Ríos, que están a vivir con intensidade as celebracións deste 2024

“Silencio me chaman porque neste tempo en que vivo non se me escoita”. As chaves do tempo, de Luísa Villalta, é unha novela que conectou co público hai vinte anos e que a editorial Cuarto de inverno reedita acompañada das ilustracións de Zaira Barcia con motivo da homenaxe á autora coruñesa no Día das Letras. "Creo que esta novela é unha declaración de intencións en toda regra. Non dá puntada sen fío", di a editora Andrea Jamardo

Este ano das Letras a conexión das autoras coa poboación máis nova permite achegar a súa obra con outros enfoques, buscando o interese desde as experiencias compartidas e as referencias máis recoñecibles. As múltiples faces de Luísa Villalta como artista, da música á poesía, do ensaio ao teatro, da ensinanza ao activismo social e político deron ao prelo tres obras deliciosas para o público infantil e xuvenil, pero non só. Estes libros serven de ponte para chegar a outras publicacións e para seguir afondando na obra da que foi 'Señora das Letras' en 2022 e agora volvemos celebrar no Día das Letras Galegas promovido pola Real Academia Galega

Que pensaría Luísa Villalta das Indóciles? É unha das cuestións principais que tiveron en conta a narradora oral Vero Rilo, a resitadora Nuria Vil e a música Mónica de Nut á hora de montar ese espectáculo único que dialoga coa poeta homenaxeada no Día das Letras Galegas da Real Academia Galega este ano e co que pretenden achegar as partes da súa obra coas que máis conectan as propias artistas. Indóciles estréase no Festival Rosalía de Compostela e, no mes das Letras, estará en Sada e na Cidade da Cultura

Os actos centrais do 17 de maio celebraranse na Coruña, onde a poeta naceu e viviu e á que dedicou moitos dos seus textos. Será un pleno extraordinario e público no que intervirán Ana Romaní, Margarita Ledo e Manuel Rivas. Nas vindeiras semanas a Academia publicará contidos para a rapazada e unha serie documental que afonda na figura e na obra da homenaxeada

A Real Academia Galega vén de inaugurar na súa web un especial dedicado á poeta, que se abre cunha ampla biografía asinada pola xornalista e académica Ana Romaní. No espazo irán incorporándose novos contidos divulgativos ao longo do ano concibidos para públicos de distintas idades.