A voceira de Trega (Traballador@s de Residencias de Galicia) describe como "dramática" a situación que se vive estes días nas residencias e lembra que a súa entidade leva anos denuncian a falta de persoal en moitos centros. Reclama un cambio de modelo centrado en "residencias públicas, dignas e de calidade"
As queixas dalgún veciño e do propio xornal El Correo Gallego foron respondidas pola iniciativa #plantandolumens, que anima a realizar proxeccións en fachadas e que tivo eco, con mensaxes de ánimo á cidadanía e sobre todo aos colectivos máis afectados polo coronavirus
As medidas excepcionais provocaron o peche dos centros de traballo onde habitualmente realizan o seu labor, o que afecta á duración de moitos contratos temporais. O Real Decreto aprobado polo Goberno central protexe unicamente ao persoal financiado por programas públicos estatais.
O Sergas rexistra 5.435 casos activos, un incremento diario do 1,74% que supón o menor dende o inicio dunha pandemia na que xa faleceron 258 persoas. Xa foron dadas de alta 688 persoas e por primeira vez baixa nun día tanto a hospitalización ordinaria como o ingreso en UCI
A dirección da empresa negocia un ERTE en dúas fases e prevé un descenso do 30% nas vendas este ano.
Os e as profesionais da cultura esixen das administracións públicas "a execución do 100% do orzamento destinado á programación e actividade cultural no 2020, co compromiso da non cancelación de ningún evento, procedendo á súa suspensión e reprogramación cando sexa posible"
Catro días despois de asinala, a Consellería de Sanidade fai oficial este martes no DOG unha orde para que todos os centros identifiquen todos os casos diariamente e as mortes en canto se produzan
Entidades de usuarios, familias e traballadores, o mesmo que os partidos da oposición, critican a información que o Goberno galego está a dar sobre a situación que se vive nos centros da terceira idade e de atención á discapacidade. O número de casos achégase aos mil, con máis de 50 mortes.
O colectivo de enfermaría, o máis exposto ao coronavirus, relata o seu día a día contra a pandemia e a escaseza de material de protección e espera que a crise "faga a sociedade máis consciente da importancia da sanidade pública".
Os tres reitores mantiveron este luns un encontro por videoconferencia coa conselleira de Educación, Carmen Pomar. A finais de abril haberá unha nova xuntanza para definir tanto o calendario como o modelo de avaliación