O Sergas suma 188 casos novos da COVID-19 e a incidencia global segue estable, aínda que Sanidade admite preocupación polas cifras máis altas en contornas como as Rías Baixas. Galicia volve rexistrar máis de 200 persoas hospitalizadas con test positivo do coronavirus
A Xunta publica un estudo que destaca a gran diferenza de efectividade entre as persoas que recibiron a primeira dose (47,2%) e as que teñen a pauta completa (88,4%). A Comisión de Saúde Pública decidiu este martes non adiar a administración da segunda dose, como reclaman algunhas comunidades. A Axencia Europea do Medicamento avala a administración da vacina de Janssen, aínda que as tromboses figurarán entre os efectos secundarios.
Nos últimos dez días rexistráronse só 5 falecementos relacionados coa enfermidade en Galicia e no último mes houbo só catro novos casos nas residencias. Ademais, co 95% da poboación maior de 80 anos xa vacinada, comeza a haber menos defuncións neste grupo de idade que nos máis novos.
Nos días clave para coñecer o impacto da Semana Santa nos contaxios, a incidencia acumulada da COVID-19 a sete días amosa sinais de acougo en varias áreas sanitarias. O Sergas suma 154 casos novos e o aumento semanal segue sendo moderado, pero ao producirse tras un prolongado período de estabilidade provoca que aumenten as cifras de casos activos. As cifras de hospitalización estáncanse
Ademais da poboación maior de 80 anos, os esforzos de protección están a centrarse na poboación entre 70 e 79 anos, na que o 45,4% xa ten cando menos unha dose. Esta fin de semana administraranse 45.000 doses máis e a Xunta espera consolidar un ritmo de 150.000 doses semanais.
A cidade olívica duplicou o seu número de casos activos no último mes e a achégase ao nivel que obrigaría a establecer maiores restricións. Na maior parte de Galicia a situación permanece estable, aínda que O Grove, A Pobra do Caramiñal, Catoira ou Ribadumia presentan incidencias elevadas. Por cuarto día consecutivo non se rexistraron falecemento e por décimo día consecutivo non houbo novos positivos nas residencias.
A incidencia da enfermidade mantense estable na maior parte de Galicia, pero medra nas cidades de Vigo e Lugo e tamén nos centros escolares, on de o número de contaxios incrementouse notablemente dende o regreso das vacacións de Semana Santa.
O pasado mércores foi o día con máis novos casos do coronavirus rexistrados en Galicia dende finais de febreiro. O incremento no número de casos rexistrados prodúcese cando os datos xa reflicten os contaxios da Semana Santa; o incremento é, non obstante, moi inferior ao de anteriores vagas e a incidencia acumulada a 14 días para o conxunto do país segue por baixo dos 80 casos novos por cada cen mil habitantes
No centro da inmunización masiva contra a COVID-19 que se desenvolve nas últimas semanas están centos de profesionais da enfermaría, entre os destinados exclusivamente á vacinación nos últimos meses e outros que compatibilizan o seu labor habitual no Sergas coa axuda nestas campañas. Falamos con elas nun contexto no que parte das persoas citadas teñen que afrontar tamén aglomeracións ou longas viaxes
Os datos epidemiolóxicos reflicten xa os contaxios da Semana Santa e o incremento máis pronunciado da incidencia é o das áreas sanitarias de Pontevedra e Santiago por efecto, sobre todo, dos concellos da ría de Arousa. Alén da ría arousá, contornas como A Mariña ou puntos do sur de Lugo e de Ourense destacan tamén no mapa de incidencia da COVID-19. Mentres, a hospitalización estáncase e a mortalidade segue a diminuí
Os establecementos poderán ampliar xa este venres a súa hora de peche e queda nas súas mans “garantir a ventilación correcta do local”
A Xunta ofrece “información para visitantes de fóra de Galicia que queiran facer o Camiño” sen explicitarlles o peche perimetral pola pandemia