Coronavirus

O Sergas suma 132 casos novos do coronavirus e as incidencias a 7 e 14 días seguen estables, arredor dos 33 e os 67 casos novos por cada cen mil habitantes, respectivamente. A suspensión da vacinación con AstraZeneca a menores de 60 implicou a cancelación de 1.403 citas este xoves en Galicia; as autoridades sanitarias deben decidir agora que facer coa segunda dose e se administrala a maiores de 65

Tras analizar 86 casos de tromboses entre uns 25 millóns de persoas vacinadas, a Axencia Europea do Medicamento reafirma que "os beneficios da vacina continúan sendo maiores que os riscos para as persoas que a reciben". Horas despois, o Consello Interterritorial de Saúde decidiu pasar a administrala só á poboación maior de 60 anos

O Sergas suma 181 casos novos nun contexto de incidencias acumuladas practicamente planas tanto a 7 como a 14 días. Tras a normalización das cifras ao finalizar o período festivo, as persoas hospitalizadas co coronavirus volven ser menos de 200

O paro rexistrado descendeu en marzo pero subiu en máis de 6.000 persoas en doce meses. O persoal acollido a un ERTE segue en descenso pero aínda suma 34.759 profesionais, ademais de 25.597 autónomos cobrando algunha prestación polo coronavirus. 

O Sergas suma 140 novos casos nuns datos epidemiolóxicos que aínda non reflicten os posibles contaxios nas recentes xornadas festivas. O país rexistra 67 casos novos por cada cen mil habitantes a 14 días e algo menos da metade a sete días. En algo máis de 140 concellos non se rexistraron casos novos en dúas semanas

Un gran parte dos e das pacientes que superaron a enfermidade seguen sufrindo meses despois numerosos síntomas que van dende fatiga e dor de cabeza ata problemas respiratorios e neurolóxicos. O seu seguimento e tratamento é un dos grandes retos do sistema sanitario nos vindeiros anos. Falamos con Sonia Villapol, que dende os Estados Unidos investiga estes efectos.

Entre o martes o domingo serán citadas ao redor de 145.000 persoas, que deberán acudir a 14 puntos de vacunación. As persoas destes grupos recibirán un SMS para convocalas, á que se engadirá unha chamada automática no caso do grupo de 75 a 79 anos.

A maxistrada inhíbese nos xulgados madrileños ao entender que as pescudas deben centrarse en por que se autorizou a viaxe. 

A diminución de probas e altas hospitalarias por mor dos dous festivos unidos á fin de semana provoca que cumpra ler con cautela os datos da pandemia durante uns días. O Sergas suma 112 casos novos nuns datos que aínda non reflicten os posibles contaxios da Semana Santa

Política Social, en resposta a unha pregunta do BNG, aclara que reabrirá "de manterse a tendencia favorable" nos datos da área sanitaria pero que antes deberán revisarse "a fondo" as instalacións tras un peche "tan prolongado".

O número total de doentes ingresados nos hospitais galegos cun diagnóstico positivo da enfermidade é de 213, a cifra máis alta en nove días e 13 máis que hai unha semana. Os datos de novos casos deben ser analizados con moita cautela, pois o número de probas PCR realizadas, coincidindo cos festivos, está a ser moi reducido.

A media diaria de novos positivos nos últimos sete días (121) é lixeiramente superior ao da semana anterior, o que podería estar indicando un cambio de tendencia. Ademais, as hospitalizacións aumentan con respecto á semana anterior por primeira vez dende o mes de xaneiro.