Centos de persoas mobilizáronse en Santiago contra unhas medidas que cren "desproporcionadas" e contra a "criminalización" dos locais de lecer e restauración e piden ao Goberno galego axudas económicas.
Galicia suma 693 novos casos da COVID-19 e a taxa de PCR positivas rolda o 9%, porcentaxe máxima da segunda vaga pero un terzo da máis alta rexistrada en marzo. Sanidade confirma outros dous falecementos mentres a información do Ministerio, construída con datos da Xunta, reflicte unha vintena de persoas hospitalizadas máis que as indicadas polo Sergas a causa da COVID-19
Algo máis do 17% traballou no seu domicilio nalgún momento durante o segundo trimestre do ano e só o 14% fíxoo máis da metade dos días en activo.
A Xunta non fai uso polo momento da potestade de alterar o horario do confinamento nocturno e manteno de 11 da noite ás 6 da mañá. "Santiago preocúpanos moito", admite o conselleiro, que tamén pon o foco nos datos das contornas de Ferrol, Ourense, O Carballiño, Verín e Lugo e non contempla polo momento aplicar o confinamento perimetral de toda Galicia, permitido no estado de alarma
O número de persoas ocupadas no terceiro trimestre situouse en cifras case exactas ás do primeiro, con aínda unhas 20.000 persoas en ERTE por forza maior. O paro aumenta en 2.300 e a poboación activa sobe en 34.500.
Nas últimas 24 horas detectáronse 539 novos casos de coronavirus (525 diagnosticados por PCR), e a incidencia media supera os 232 casos en dúas semanas. Aumentan os ingresos hospitalarios, ata os 459, e tamén as mortes, 94 nos últimos 14 días. Ourense é a área con peores datos, pero Ferrol e Vigo aumentan con rapidez
O último gromo no Hospital Provincial pontevedrés suma 27 afectados tras outros dous rexistrados en Montecelo nesta segunda vaga do coronavirus. Desde o inicio da pandemia, un mínimo de 2.458 profesionais foron afectados no país.
O presidente da Xunta proclama, tras a conferencia de presidencias autonómicas co Goberno de España, que abeirar as novas restricións pola COVID-19 nun estado de alarma é "cargarnos o consumo no Nadal" e "pechar a Semana Santa", ademais de "demoledor" para a "reputación internacional de España"
O cómputo do Sergas rexistra 613 novos casos da COVID-19 e oito mortes máis, catro delas de persoas que viviran en residencias de maiores. A incidencia acumulada segue á alza e por riba dos 200 casos por cada 100.000 habitantes nos últimos catorce días, nos que destaca a aceleración na área sanitaria de Ferrol
O decreto do estado de alarma xa está en vigor, pero o Goberno contempla que durante a súa prórroga posterior ata maio as restricións nocturnas poidan ser decididas polas autonomías, que xa poden pechar os seus territorios