Ministerio de Sanidade e comunidades autónomas acordan "limitar ao máximo" as saídas das persoas que viven en residencias de maiores e impón as PCR obrigatorias para todo o persoal que se incorpora a elas, o que ata agora non se aplicaba en Galicia. O permiso de quitar a máscara para fumar só con distancia de seguridade esténdese a todo o Estado e bares e restaurantes terán que pechar á unha da madrugada
Os novos casos na área da Coruña equivalen ao 11% das PCR realizadas na xornada, mentres que no conxunto de Galicia os positivos supoñen o 5% dos test. 32 das 42 persoas hospitalizadas con test positivo, ningunha na UCI, son son tamén da área coruñesa. O Sergas realiza probas a persoas ligadas a novos brotes en Lugo e Ourense
Tras informar en maio de que contaba "cun equipo de 20 operadores" que superaría "os 50 profesionais" en breve, Feijóo indicou que "máis de 6.000 persoas" estaban dedicadas á "detección e seguimento" de casos, contando entre outros a todo o persoal de Atención Primaria
Preto de 600 familias de Galicia veñen de organizarse no colectivo Dereito a Ensino Sen Risco En Pandemia para reclamar unha volta ás aulas "segura" e "flexible", na que pais e nais poidan decidir se os seus fillos asisten presencialmente ás clases. Súmanse ás reivindicacións dos sindicatos do ensino e das Anpas.
Carmen Pomar retoma a axenda oficial dúas semanas despois supervisando nun colexio baleiro o protocolo de volta ás aulas. Eloxia “a implicación dos equipos directivos” pero obvia ao resto da comunidade educativa e pide máis esforzos aos concellos.
O Tribunal Superior rexeita a medida cautelarísima solicitada polos empresarios e decide seguir tramitando de xeito ordinario a súa petición de que se anule a decisión da Xunta
Ata 92 dos 142 novos positivos detectados son da Coruña e elevan os casos "activos" en Galicia ata os 938, indicador que non medraba tanto nun día dende finais de abril. As persoas falecidas chegan ás 623 tras a morte dun paciente en Ourense e a área coruñesa tamén concentra a maioría das hospitalización con test positivo por coronavirus
Máis que unha nova prohibición, o aprobado é unha concreción na obriga xeral de usar máscara, cunha décima excepción para fumar en caso de existir distancia mínima de dous metros con outras persoas
O informe do Sergas no que se basea a ampliación das restricións na área coruñesa, que polo momento non atinxen á mobilidade, sinala un "aumento de cadeas de transmisión independentes", cunha "porcentaxe de casos orfos" da COVID-19, sen orixe identificada
Un brote da Covid-19 entre os xornaleiros que apañan amorodos e arandos na Terra Chá pon de relevo o situación destas persoas que veñen a Galicia a realizar uns traballos para os que non hai man de obra
Unha edición extraordinaria do DOG especificará este mércores a posible extensión do peche de pubs e discotecas a outros concellos da contorna da Coruña, onde as restricións non implicaron un descenso dos contaxios tras cinco días en vigor. Concretará tamén a prohibición de fumar se non é posible manter a distancia de seguridade, avanza Feijóo