"Mantense a obrigatoriedade da máscara en exteriores", afirmou Pedro Sánchez despois da conferencia de presidentes, coas excepcións que xa estaban en vigor a respecto da distancia de 1,5 metros de seguridade. Pola súa banda, o presidente da Xunta lanzou ao remate da reunión as súas recomendacións para as celebracións dos días 24 e 25
O país rexistrou no outono de 2021 algo máis dun milleiro de hospitalización de persoas co coronavirus e hai un ano, antes da vacinación, foran unhas 3.400. Os ingresos reducíronse tres veces máis que os casos novos detectados
O freo no ritmo de incremento da incidencia acumulada global para Galicia está a ser substituído nos últimos días por un estancamento. A área sanitaria de Vigo é a que ten agora as cifras máis elevadas mentres nas cifras de hospitalización total continúa a tendencia ao acougo. A conferencia de presidencias autonómicas para abordar a situación epidemiolóxica chega un ano despois de que, cando aínda non comezara a vacinación, o groso das restricións fosen suspendidas ou flexibilizadas polo Nadal
Visitas a residencias ou eventos baixo teito con máis de 200 persoas únense ata o 18 de xaneiro aos ámbitos nos que a Xunta esixe amosar o certificado de vacinación, test negativo ou recuperación da COVID. A incidencia segue freando aos poucos o seu ritmo de incremento mentres o Sergas rexistra un milleiro de casos novos ao día e a suba da hospitalización tamén tende a acougar. Na primeira xornada de vacinación infantil, a asistencia roldou o 90%
O Sergas detectou unha media diaria duns mil casos nos últimos sete días, pero a moderación no ritmo de incremento da incidencia acumulada permite albiscar o pico da vaga outonal mentres tamén acouga o incremento das hospitalizacións
Quince mil nenas e nenos teñen cita para a vacinación contra a COVID na primeira xornada de vacinación infantil, este 15 de decembro. A poboación menor de 12 anos segue rexistrando a maior incidencia acumulada mentres os datos apuntan a que, ao ritmo actual, cabe agardar o pico da vaga para dentro de, aproximadamente, unha semana. As persoas ingresadas con test positivo roldan as 300, menos da metade que no pico da vaga do outono de 2020
Os novos casos da COVID detectados no que vai de outono son case un 50% menos que no de 2020, antes da vacinación, e as caída de mortes de persoas coa enfermidade rolda o 90%. Sanidade xa cita para a terceira dose a persoas de 50 a 59 anos, grupo aínda non incluído polo Consello Interterritorial nas inxeccións de recordo
Sanidade agarda polos datos que reflectirán as cifras da ponte. Mentres, continúa contención na suba a comezar pola área sanitaria con maior incidencia acumulada, a de Ourense. A hospitalización segue aumentando en termos semanais, pero o ritmo de suba tamén frea e os actuais 252 ingresos son menos da metade que na vaga outonal de 2020. O grupo de 5 a 11 anos é o que segue rexistrando maior incidencia e a Xunta anuncia a posibilidade de que as familias retiren un test de balde
A incidencia a 14 días rolda os 350 casos novos por cada cen mil habitantes e o seu ritmo de incremento segue a frear. A media a 7 días dunhas 2,7 mortes diarias contrasta coas máis de 12 do outono de 2020, cando a vacinación aínda non comezara, e as 256 persoas ingresadas coa COVID son menos da metade das que se rexistraran daquela
A incidencia da obesidade non diminúe pero a mensaxe non chega á poboación. Os avances científicos tardan décadas en chegar á clínica e os riscos aumentan coa chegada da COVID-19. O director do CiMUS da USC, Carlos Diéguez, repasa a relación entre ambas pandemias
O groso de novas hospitalizacións de persoas coa COVID son pacientes maiores de 60 anos. Galicia rexistra unha media a 7 días dunhas 1,4 mortes de persoas coa COVID. En novembro de 2020, con incidencias semellantes ás actuais e aínda sen vacinas, eran máis de 10