Coronavirus

O alto número de casos activos, que supera os 36.000, acrecenta a carga sobre a Atención Primaria para consultas, seguimento e trámites como baixas laborais. Este 28 de decembro rematou con senllas cifras récord de PCR realizadas (case 15.000) e casos novos detectados (case 5.000) en Galicia. As actuais cifras de hospitalizacións son semellantes ao pico de ingresos do pasado verán, cando a incidencia a 14 días roldaba a metade da actual

O 27 de decembro de 2020 Nieves Cabo converteuse nunha residencia da Compostela na primeira persoa protexida en Galicia. Hoxe o 94% da poboación galega está inmunizada mentres se avanza na aplicación das doses de reforzo e na protección das crianzas de 5 a 11 anos. As vacinas están a limitar ao mínimo as mortes e hospitalizacións a pesar da presenza da variante ómicron, moito máis contaxiosa.

Nun contexto de forte saturación da Atención Primaria, o Sergas suprime o servizo de test da COVID sen cita unha semana despois de habilitalo, equipara os positivos mediante "autotest" aos detectados polas probas en recintos sanitarios e suprime o seguimento telefónico diario tanto para  casos confirmados e os seus contactos. A incidencia a 14 días xa supera os 1.000 casos novos por cada cen mil habitantes, pero as hospitalizacións están en niveis do pasado verán, cunhas 300 persoas ingresadas

Abai Group, que gañou o concurso para o rastrexo de contactos por presentar a oferta máis barata, ofrece cen vacantes para cubrir quendas de fin de semana por uns 400 euros brutos mensuais e un contrato dun mes con "posible" ampliación

Bares e restaurantes terán que pechar ás 12 da noite agás venres e sábado, que poderán facelo á 1, e o Goberno galego volve prohibir o consumo nas barras. Pubs e discotecas terán o peche ás 3, hora á que se aplicaría o que a Xunta denomina "toque de non queda". O Sergas rexistra máis de 3.000 casos novos da COVID en vinte e catro horas mentres as cifras de ingresos seguen contidas pero medra a presión sobre a Atención Primaria e o rastrexo

Sanidade contempla dar por bos os positivos con test de antíxeno adquiridos e feitos polo propio paciente e, sen necesidade de PCR de confirmación, validar o caso e iniciar trámites como a baixa laboral. Comesaña afirma que tamén prevén "descargar noutros profesionais" que non sexa o persoal médico de familia a xestión das baixas laborais mediante un sistema "automatizado" e "centralizado"

Este 24 de decembro o Sergas procesou case 14.000 probas PCR e a súa positividade media a sete días rolda o 15%. Contando todos os tipos de test, na última semana foron realizados en Galicia máis de 140.000

Mentres as explosións de positivos na segunda e terceira vaga levaron a situacións de saturación hospitalaria, iso non sucedeu na cuarta vaga e tampouco está a suceder, de momento, na quinta. Apenas o 1,13% das persoas cun diagnóstico positivo de COVID en Galicia atópanse ingresadas nun hospital. Esta proporción é a máis baixa de toda a pandemia, só comparable á que se deu nos dous últimos veráns

O número de novos positivos detectados na última semana -coincidindo tamén cun récord de probas realizadas- rolda os 15 mil, o que eleva a cifra de casos activos ao máximo da pandemia. Porén, a maioría son asintomáticos. A positividade media mantense en máximos, un 15%. Aumenta lixeiramente o número de camas ocupadas nas UCI e no resto de unidades mantense sen cambios

Os e as integrantes do Subcomité Clínico que asesora á Xunta difunden as súas recomendacións para reducir o risco de transmisión da COVID nos encontros familiares, limitando o número de persoas nas ceas e mantendo o mesmo grupo ao longo das dúas vindeiras semanas.

O alto ritmo de probas segue facendo aflorar cantidades inéditas de casos confirmados, con máis de dous mil nun día. Polo momento, o ritmo de hospitalizacións segue desacoplado do incremento da incidencia polo papel clave da vacinación. As 268 persoas ingresadas coa COVID ás seis da tarde do xoves eran 9 menos que hai unha semana