Coronavirus

O total de casos detectados rolda os 7.000 por xornada na media da última semana. Mentres, os rexistrados mediante PCR, proba actualmente reservada sobre todo a casos sintomáticos ou máis graves, descenden con claridade e son uns 1.200 diarios. As actuais 600 persoas hospitalizadas coa COVID son unha cifra semellante ao pico do outono de 2020. Daquela, antes da vacinación, a incidencia a 14 días roldaba os 300 casos por cada cen mil habitantes e agora son máis de 3.200

Ante a maior transmisión do virus pero con efectos máis leves e o éxito da vacinación, o Ministerio de Sanidade defende avanzar cara á "vella normalidade", deixando de contar caso por caso, eliminando corentenas e centrando os esforzos en tratar as enfermidades graves, o que suporía un alivio para Atención Primaria. Falamos cos profesores de Medicina Preventiva e Saúde Pública da USC Juan Gestal e Francisco Caamaño.

Este domingo mantéñense as tendencias dos últimos días, cun gran número de casos detectados (7.838), estabilidade nas UCI (54 camas ocupadas) e incremento das persoas ingresadas noutras unidades hospitalarias cunha proba positiva de COVID (515) aínda que non necesariamente cunha enfermidade derivada do virus

Este sábado o Sergas notifica a detección de 8.615 novos positivos, pero o número de camas ocupadas nas UCI mantense nas mesmas cifras das últimas semanas. O 75% das persoas entre 40 a 49 anos recibiron xa a súa dose de reforzo

As tres institucións académicas públicas retomaron esta semana súa actividade, tralas vacacións de nadal, co obxectivo de manter a máxima presencialidade coincidindo co período de exames e medidas nas que procuran adaptarse á actual vaga da pandemia

Feijóo di que a medida está pendente de que as consellerías de Educación e Sanidade acorden o protocolo e anuncia que o vindeiro mércores 19 de xaneiro comeza a vacinación coa terceira dose das persoas de 39 ou menos anos

O 'pico' de casos activos pasa de 76.000 no 12 de xaneiro a 67.400 o día 8 e co novo método xa descende.Os positivos por autotest, que nos últimos días xa eran maioritarios en varias áreas sanitarias, quedan incorporados aos datos xerais e xa non é posible coñecer cantos son detectados por probas no sistema sanitario. Hai un ano o número de hospitalizacións era semellante á actual, en torno ás 500, pero a incidencia acumuada era sete veces inferior á de agora

Máis da metade dos 7.600 casos novos rexistrados no conxunto de Galicia o pasado martes, día 10, eran resultados de probas feitas na casa. Os casos activos superan os 76.000 (entre eles, 412 residentes en centros de maiores), pero o total baixará apreciablemente dende este día 13 ao reflectir xa os datos a redución dos illamentos a 7 días para persoas asintomáticas. As hospitalizacións coa COVID roldan as 500 e as camas de UCI ocupadas por pacientes coa doenza seguen arredor do medio cento

Case 8.200 dos 32.600 casos rexistrados polo Sergas nos últimos sete días son positivos de autotest mentres os achados mediante probas do propio sistema sanitario descenden con claridade. As persoas ingresadas con test positivo da COVID-19 seguen aumentando, pero de xeito contido, e roldan as 500. Mentres, o total de casos activos supera os 70.000, incrementando a presión en puntos do sistema como a Atención Primaria

O documento acordado polo Ministerio de Sanidade e as comunidades autónomas no Consello Interterritorial de Saúde, publicado este luns, sinala que o alumnado de 12 anos ou máis que sexa contacto estreito dun positivo tampouco levará a cabo corentena se conta coa pauta completa de vacinación

Á espera da súa plasmación nun novo protocolo definitivo, o reinicio do curso vén marcado polos cambios nos limiares para poñer en corentena unha aula e co impacto da COVID atenuado pola vacinación, pero agravado pola tradución da alta incidencia xeral nunhas 350 baixas de profesorado. Os datos xerais do coronavirus en Galicia comezan a reflectir o impacto dos autotest: en apenas catro días as probas realizadas polo Sergas detectaron 11.681 casos aos que se sumaron case 5.000 rexistrados mediante autodiagnóstico

En termos absolutos, os 805 casos novos da COVID-19 rexistrados entre o persoal sanitario de Galicia na primeira semana do ano son a segunda cifra máis elevada entre as autonomías, só por tras de Navarra. Atendendo aos datos de casos rexistrados e do total de profesionais, a incidencia da COVID-19 entre o persoal sanitario galego duplica a rexistrada no global da poboación