Crise de prezos

O IPC dispárase cun incremento do 10,5% en marzo con respecto ao pasado ano, sete décimas máis que a suba media estatal.

A débeda e o déficit públicos, a escasa marxe permitida pola UE para algúns tributos e a necesidade de manter o Estado de Benestar desaconsellan os recortes fiscais que reclaman PP, C's e Vox. A presión fiscal no Estado equivale ao 37,5% do PIB, máis de 4 puntos por baixo da media da zona euro. O 'Libro Branco' que o grupo de expertos entregou ao Ministerio de Facenda recomenda non aplicar unha reforma fiscal estrutural ata que a economía se recupere

Un terzo dos fogares reduciu o seu gasto de roupa e calzado, transporte, gas ou electricidade. É a porcentaxe máis elevada dende o ano 2013, cando aínda se vivían os peores momentos da gran recesión. Con todo, o resto de indicadores da Enquisa Conxuntural do IGE non revelan unha mala situación económica.

A manifestación convocada polo Bloque ateigou a Praza da Quintana, onde se escoitaron as reivindicacións de transportistas, mariñeiros, gandeiros e pensionistas. Ana Pontón afirma que "o PP é o pasado nunha Galiza que mira cara o futuro"

Os algo menos de 2,4 millóns de toneladas destes combustibles consumidos en Galicia durante 2021 supoñen un 33% menos que no pico histórico de 2007. No 2019, previo á pandemia, consumírase un 27% menos que daquela. Este 1 de abril entra en vigor o desconto xeral de 20 céntimos por litro de carburante mentres os prezos medios de gasóleo e gasolina seguen superando en Galicia os 1,80 euros o litro

O decreto-lei de medidas urxentes reduce os prazos de tramitación para proxectos que estean en zonas de sensibilidade ambiental baixa ou moderada en función dunha clasificación do Ministerio para a Transición Ecolóxica 

Unha modificación da lei do comercio minorista incluída no decreto aprobado para paliar a crise de prezos permite poñer límite á compra en situacións excepcionais. 

O traxecto entre A Coruña e Compostela ten un custo de 16,40 euros en vehículo privado, fronte aos 7,60 do tren, que demostra ser a opción máis eficiente naqueles lugares onde hai liñas e frecuencias suficientes. Fóra das zonas urbanas, pola contra, o coche segue a imprescindible en moitas comarcas.

O BNG subliña que na manifestación convocada para o día 3 tamén reclama medidas ao Goberno galego, se ben augura que Feijóo se vai "despedir de Galiza con propaganda e fume"

Pedro Sánchez avanza que o Consello de Ministros aproba este martes un plan ata o 30 de xuño que cifra en 16.000 millóns de euros, entre "axudas directas e rebaixas de impostos" e mais créditos do ICO. Un incremento puntual do Ingreso Mínimo Vital e achegas ao sector agrogandeiro, entre as accións anunciadas

O Executivo central pecha un pacto con axudas de máis de 1.000 millóns de euros para o sector e unha rebaixa de 20 céntimos por litro de gasóleo. A plataforma rexeita as medidas que considera "migallas" e mantén a protesta.

O líder do PSdeG reclama á Administración galega que entregue a metade dos 557 millóns que recibe do Estado polos tributos aos combustibles a 9.700 empresas galegas que sofren a alza dos prezos dos carburantes.