Os convocantes aclaran que a manifestación é só "en defensa dos sectores produtivos do mar galego" e que a xestión dos pellets foi "a gota que rebordou o vaso" nunha crise no sector que "vén de moito tempo atrás". O Goberno galego advirte dos danos á "imaxe" de Galicia e do interese "claramente político" da mobilización.
Voluntarios e operarios recollen a diario o granulado de plástico que chega ás praias de Muros. Na de Area Maior, un espazo natural destacado, a cantidade varía pero a "marea branca" non cesa. A alcaldesa cualifica como "inexistente" a xestión da Xunta desta crise dos 'pellets'. "Temos claro que da praia non se van retirar nunca porque é imposible quitalo todo, as bólas son minúsculas e están mesturadas coa area, moitas xa enterradas. O que non sabemos é cando o mar vai deixar de traelas ata a costa", di a voluntaria María Candamo.
O presidente asegura ter probas da relación da oposición coa "trama de manipulación dixital" que a secretaria xeral do PPdeG denunciou baseándose só en "indicios", pero di que non as pode facilitar porque non fixo el a investigación
A Comisión Europea traballa coa Organización Marítima Internacional para impor requisitos máis estritos á hora de transportar os granulados nos buques. Ana Miranda (BNG) e González Casares (PSdeG) reuníronse co comisario Sinkevičius para denunciar a xestión da Xunta na crise e reclamar medidas para evitar a contaminación plástica.
Paula Prado, secretaria xeral dos populares, cualifica os dous partidos de "estafadores e mentireiros" e sinálaos por impulsar unha "operación organizada de desinformación" a través dunha "rede de perfís falsos" por todo o mundo "operada con fins electorais".
O Goberno galego cualifica "de 10" a súa xestión do vertido, entre críticas de concellos e oposición pola demora na toma de decisións, as contradicións ou a "inacción". Repasamos o ocorrido desde que o 13 de decembro particulares, axentes medioambientais e municipios advirten dos primeiros sacos.
A conselleira Ángeles Vázquez cre que a Administración autonómica actuou "de 10" e Rueda di que a axuda no mar do Goberno central "non se traduciu en nada" malia os voos realiza Salvamento acordados no Camgal. Besteiro denuncia "a inacción e falla de competencia” do Goberno galego.
A entidade mantivo un encontro n Cangas con Malte Galle, eurodiputado da Comision de Medio Ambiente e Ana Miranda, eurodeputada do BNG. Reclama a mellora do plan CAMGAL contra a contaminación mariña accidental, a transferencia a Galicia das competencias en vixilancia e salvamento marítimo e que estes materiais sexan consideradas substancias contaminantes no transporte mariño, para que as condicións de empaquetado e manipulación fosen máis estritas
A conselleira Ángeles Vázquez acusa o Estado de ser un "mero espectador", de "poñer escusas" e mesmo de saltar a lei para non actuar. Pontón critica a actuación "irresponsable, incompetente e prepotente" do Goberno galego e o PSdeG pide a dimisión da titular de Medio Ambiente e do conselleiro do Mar.
O presidente desbota destituír a Ángeles Vázquez, titular de Medio Ambiente, Territorio e Vivenda, significada desde hai anos por unha axenda aliñada cos intereses electorais da banda máis á dereita do PP
Rueda carga con dureza contra o Goberno central, ao que acusa de "poñer escusas" para non achegar medios. O Executivo galego rexeita polo momento reforzos para a limpeza en terra e insiste en que a "axuda fundamental é a busca no mar".