Persoal mobilizado chega ás 300 semanas protestando contra o "control político" dos medios públicos, sinalados polo enfoque informativo do 18F. "Estamos en shock, avergonzadas e tristes", din profesionais que advirten "non só da manipulación, senón da perda de calidade e do desprestixio".
A Corporación recorreu a amoestación que lle fixo a Xunta Electoral Galega por reducir o tempo de campaña co argumento de que os seus "principios xornalísticos" son emitir informacións máis curtas, pero a Xunta Central desbótao e lembra que en 2020 organizou cinco debates fronte a un único agora.
O comité denuncia a cobertura do debate electoral por "disfrazar de información unha columna de opinión que debería asinar o Partido Popular" e "arroupar sen disimulo a Alfonso Rueda". A representación laboral aclara que "a inmensa maioría" dos traballadores "non é responsable da infamia e vil manipulación" nos medios públicos.
Un redactor denuncia que foi despedido tras ser declarado por segunda vez indefinido pola Xustiza, logo de ser trasladado do seu posto habitual de traballo durante 17 anos e tras declarar en xuízos contra a empresa. O comité advirte dunha "nova represalia, clara, indignante e intolerable" contra persoal crítico coa dirección.
O comité cualifica de "lamentable e vergoñento para o persoal" o tratamento que os informativos deron da peza difundida polo PP, "a enésima mostra do secuestro dos medios públicos". Unha nova protesta ante San Caetano clama "por unha CRTVG ao servizo do pobo".
O líder do PP acepta reunirse co presidente do Goberno este venres pero márcalle unha lista de temas a tratar na que inclúe a "despolitización dos medios de comunicación públicos" aos poucos días de que o comité da TVG e da Radio Galega reclamasen axuda a Xunta e Parlamento para deter o "delirio partidista" a favor do PP e tras cinco anos e media de venres negros.
A representación do persoal insta o órgano xestor dos medios públicos a deter un control político da información que "cada vez vai a máis" e advirte dos nulos avances para a creación do Consello de Informativos e da "irrelevancia" da Radio Galega.
O comité intercentros pide unha "intervención urxente" para deter a "manipulación informativa" que tornou os medios públicos no "máis eficaz órgano de propaganda do PP". Populares e Vox impiden que a Eurocámara debata sobre a manipulación na Radio Galega e na TVG.
Condena a Corporación por facer un contrato artístico a un locutor de radio e por non ter acudido ás listas de contratación. O comité denuncia que "fraudes" coma esta xeraron "máis de 400 condenas por cesión ilegal ou uso abusivo e fraudulento da contratación temporal" na empresa.
Logo das tres vistas anteriores, a Corporación enfróntanse á vista polo caso de Mayte Cabezas, trasladada do seu posto na TVG durante décadas días despois de criticar a Feijóo nas redes sociais.
Os procesos xudiciais contra a Corporación deitan luz sobre o que comité e persoal mobilizado cualifican de "manipulación informativa". Un xornalista denunciou a modificación dunha peza para agochar a suba do IPC en Galicia, caso que foi analizado con detalle na súa demanda e na vista oral. O comité denunciou o "traslado forzoso" do xornalista e a corporación pública nega que aplicase represalia ningunha
Visto para sentenza o xuízo tras a demanda dun xornalista que denunciara que a dirección lle modificara unha información para non destacar que a inflación superara en Galicia a media estatal. A maxistrada deberá determinar agora se o seu traslado foi indebido e ten relación coa súa apelación á cláusula de conciencia.