Letras Galegas 2025

Antón Santamarina é autor, xunto a Dorothé Schubarth, do Cancioneiro popular galego. Ten parte de responsabilidade na decisión da Academia e confesa que nunca antes viu tanto entusiasmo arredor da celebración das Letras Galegas como este ano, dedicado á poesía popular oral e ás cantareiras. Lingüista especializado no ámbito da lexicografía, catedrático emérito da Universidade de Santiago de Compostela, académico na Real Academia Galega e membro do Instituto da Lingua Galega; sen as súas achegas sería impensable estar festexando estas Letras

Durante toda a fin de semana -xa dende este venres- cidades e vilas de todo o país van acoller actos de celebración, centrados principalmente nas cantareiras e na poesía oral popular. Os actos centrais terán lugar este sábado, pois Malpica acollerá o pleno extraordinario da RAG e en Santiago está convocada a manifestación pola lingua

Dous traballos audiovisuais con máis de 40 anos entre si reflicten a transmisión da música tradicional á que rende homenaxe o Día das Letras Galegas, dende as recolleitas e o privado aos públicos masivos: unha histórica peza documental de Tereixa Navaza en 1983 coas Pandeireteiras de Mens que vén de recuperar RTVE e a serie 'Non canto por cantare', que Irene Pin estrea en Agalega.gal

A plataforma Queremos Galego presentou os detalles da marcha pola lingua convocada para este sábado 17 de maio en Compostela baixo o lema "Lingua Vital xa". Será unha "gran foliada pola lingua" na que se anima á xente a acudir con pandeiretas, percusión e "ánimo".

"Cada día aprendo máis cousas sobre a función da música na nosa cultura, da súa utilidade e os beneficios que trae para cada persoa que a escoita e a goza", confesa o músico Richi Casás, neto e sobriño das cantareiras de Cerceda, Rosa e Adolfina Casás, que se encargou de crear unha banda de música especialmente para o Concerto das Letras que organiza o Consello da Cultura Galega este ano en Carballo

O chamamento á manifestación do vindeiro sábado 17 de maio, impulsado por Queremos Galego, foi apoiado por representantes de BNG, PSdeG, Alternativa dos Veciños, Compostela Aberta, Sada maioría, Movemento Salceda e Apin, que amosaron a súa disposición "para aplicar os acordos comúns, amplos e que unen ao conxunto do pobo galego". 

A obra, estreada en 2014, foi ampliada e actualidada co gallo do Día das Letras dedicado ás cantareiras e representarase estes días en Betanzos, Carballo e Bergondo. O espectáculo é tamén un traballo de investigación sobre a sexualidade, as relacións de xénero e os roles da muller na sociedade tradicional que aparecen reflexados nas coplas do cancioneiro popular galego.

O Consello da Cultura presentou a publicación conmemorativa da institución para o 17 de maio, un libro coordinado pola musicóloga Beatriz Busto Miramontes que inclúe unha escolma de 94 cantareiras a partir do corpus do Cancioneiro popular galego, unha antoloxía que "é en certo modo unha foliada". Ademais, unha ducia destas cantaruxeiras son ilustradas por Cestola na Cachola nun especial transmedia que incorpora audios e vídeos.

Malpica acollerá a sesión extraordinaria da Academia, na que Aida Tarrío e Olaia e Sabela Maneiro porán a música nun evento que personificará nas Pandeireteiras de Mens a homenaxe ás cantareiras. O pleno incluirá as alocucións académicas de Ana Boullón, impulsora da candidatura; de Antón Santamarina, coautor do Cancioneiro Popular Galego; e do expresidente da RAG Xesús Alonso Montero.

A Asociación de Medios en Galego, Dinahosting e PuntoGal vólvense unir para celebrar o Día das Letras Galegas e o Día de Internet. Todas as persoas que se dean de alta como socias e socios de Praza do 17 ao 31 de maio recibirán o agasallo, valorado en 170 euros, mediante un código que poderán empregar ata o 30 de xuño

Unha ollada feminista sobre a cultura tradicional galega uniu a Laura Varela, Iria Villares e Vanesa Siso, que se marcaron o obxectivo de recolocar o foco para ver de onde parte a tradición e quen foron as súas iniciadoras e mantedoras. O resultado é o documental 'Lévame a idea', no que participan Teresa dos Cucos, Felisa Segade, Sés, Mercedes Peón, Beatriz Busto, Branca Villares, Lupe Blanco, Xiana Lastra e as Lilaina, entre outras