En maio o director de Exteriores e a vicepresidenta do Parlamento celebraron encontros co representante diplomático israelí sen incluíreno nas axendas públicas. "Son conscientes do xenocidio que está a cometer o estado de Israel contra o pobo palestino?", pregunta o BNG ao Goberno galego, que afirma agora que na reunión "transmitiu o rexeitamento ao estado da situación humanitaria que se vive en Gaza"
O director xeral de Relacións Exteriores conversa sobre "actualidade política, económica e comercial" con Dan Poraz, encargado de negocios da embaixada israelí e actual responsable en funcións da legación diplomática, nun encontro non incluído na axenda pública e só divulgado a posteriori
Nasser Abu Baker, presidente do Sindicato de Xornalistas Palestinos, recolleu este sábado en Santiago o galardón convocado polo Colexio Profesional de Xornalistas de Galicia. O premiado advertiu de que "o goberno israelí non quere que ningún de vós vexa a realidade do que pasa alí" e que son os profesionais palestinos "os que están a mostrar o que acontece".
Fayez Badawi naceu nun campo de refuxiados no Líbano. Foi portavoz en Europa da Fronte Popular para a Liberación de Palestina (FPLP), unha organización marxista-leninista e laica que forma parte da OLP. Falamos con el despois do seu paso polas xornadas Mundo en crise, organizadas por ECOAR en Vigo, e ás portas das mobilizacións convocadas este sábado e este luns en Galicia en solidariedade con Palestina.
Raquel Martí, directora executiva de UNRWA España (a Axencia de Nacións Unidas para os Refuxiados), estivo esta semana na Coruña nun acto organizado por Amnistía Internacional Galicia. Falamos con ela sobre a situación en Gaza.
Varias organizacións de cooperación ao desenvolvemento galegas traballan en Palestina. É o caso de Médicos do Mundo, Asemblea de Cooperación pola Paz, Movemento pola Paz e ONG Rescate Internacional. Falamos con elas para coñecer de primeira man o traballo que veñen realizando, o efecto que tivo para elas -e sobre todo para as entidades locais coas que colaboran- a invasión israelí e a maneira en que están tentando recompoñer a actividade despois do acordo de alto o fogo.
Falamos con Bichara Khader (Zababdeh, Palestina, 1944), profesor emérito da Universidade Católica de Lovaina, é especialista nas relacións euro-árabes. Preguntámoslle pola situación creada nos últimos días polos ataques ao Líbano, a resposta iraniana e a actitude mantida por Estados Unidos e Europa.
Falamos sobre a escalada militar en Oriente Medio e as consecuencias da invasión israelí do Líbano con Susana Managa, experta no mundo árabe, investigadora e docente da Universidade Deusto e colaboradora do IGADI
Sara Ashour (Gaza, 2002) vive en Santiago desde os cinco anos, estuda o último curso do grao en Administración e dirección de empresas na Universidade de Santiago de Compostela e fala árabe, galego, castelán, inglés e francés. Marchou de Gaza o 31 de agosto de 2023, foron as últimas vacacións que puido pasar alí coa súa familia. Está a vivir o xenocidio do pobo palestino en directo, como toda poboación mundial, coa diferenza de que na súa casa recoñecen as vítimas que se ven a través da pantalla.